ଗୁଟ୍ଖା ଛାଡୁନି ସ୍ତ୍ରୀ, ଥାନାରେ ପହଞ୍ଚିଲା ସ୍ୱାମୀ
![ଗୁଟ୍ଖା ଛାଡୁନି ସ୍ତ୍ରୀ, ଥାନାରେ ପହଞ୍ଚିଲା ସ୍ୱାମୀ](https://odishanewslens.com/news_gallery/26872_1703664168.jpg)
ଗୁଟ୍ଖା ଖିଆ ବୋହୂ ପାଇଁ ବିରକ୍ତିକର ହୋଇଗଲେଣି ଶାଶୂଘର ଲୋକେ । ଓଢଣୀ ତଳେ ଗୁଟଖା ଖାଉଛି । ବୁଝାଇଲେ ବି ବୁଝୁନି । ଏକଥା ଏବେ ଥାନାରେ ପହଞ୍ଚିଲାଣି ।ଉତ୍ତର ପ୍ରଦେଶ ଆଗ୍ରାସ୍ଥିତ ପରାମର୍ଶ କେନ୍ଦ୍ରରେ ଏ ଅଜବ ମାମଲା ଦେଖିବାକୁ ମିଳିଛି।
ସ୍ବାମୀ ଅଭିଯୋଗ ଆଣିଛନ୍ତି, ତାଙ୍କ ସ୍ତ୍ରୀ ପ୍ରତିଦିନ ସକାଳୁ ଉଠିବା ମାତ୍ରେ ଓଢଣା ଟାଣି ଗୁଟଖା ଖାଆନ୍ତି। ଗୁଟଖା ଚୋବାଇ ସେ ଘର କାମ କରିବାବେଳେ ଏପାଖ-ସେପାଖରେ ପାନଛେପ ପକାଇଥାନ୍ତି। ପରିବାର ଲୋକ ବହୁବାର ବୁଝାଇବାକୁ ଚେଷ୍ଟା କରିଥିଲେ। ହେଲେ ସେ ଗୁଟଖା ଛାଡିଲେ ନାହିଁ। ଏବେ ସ୍ତ୍ରୀଙ୍କୁ ଛାଡପତ୍ର ଦେବାକୁ ନିଷ୍ପତ୍ତି ନେଇଛି ସ୍ବାମୀ ।
ଅନ୍ୟପଟେ ବୋହୂ ନିଜ ସ୍ବାମୀଙ୍କର ଅବୈଧ ସମ୍ପର୍କ ଥିବା ଅଭିଯୋଗ ଆଣିଛନ୍ତି। ସେ ଲିଖିତ ଭାବରେ ପୋଲିସକୁ ଅଭିଯୋଗ କରିଛନ୍ତି। ମୋ ଉପରେ ମିଥ୍ୟା ଅଭିଯୋଗ ଲଗାଉଛନ୍ତ ବୋଲି ସ୍ବାମୀ କହିଛନ୍ତି।
Powered by Froala Editor