ଅନ୍ଲକ୍ ହେଲା ଉତ୍ତରପ୍ରଦେଶ, ଜାରି ରହିବ ନାଇଟ୍ କର୍ଫ୍ୟୁ
ଉତ୍ତରପ୍ରଦେଶ ଏବେ ସମ୍ପୂର୍ଣ୍ଣ ଅନଲକ୍ । ସଂକ୍ରମଣ ହ୍ରାସ ପାଇଥିବାରୁ ଉତ୍ତରପ୍ରଦେଶ ସମସ୍ତ ଜିଲ୍ଲାରୁ କରୋନା କର୍ଫ୍ୟୁ ହଟାଇ ଦିଆଯାଇଛି । ମିରଟ, ଗୋରଖପୁର ଏବଂ ଲକ୍ଷ୍ନୌରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୬୦୦ ରୁ କମ୍ ହେବା ପରେ ବର୍ତ୍ତମାନ ସମସ୍ତ ଜିଲ୍ଲାରେ କରୋନା କଟକଣା କେହାଳ କରାଯାଇଛି । ସେପଟେ ସମସ୍ତ ଜିଲ୍ଲାରେ ଏବେ ବି ନାଇଟ୍ କର୍ଫ୍ୟୁ ବଳବତ୍ତର ରହିବ । ଏବେ କେବଳ ସନ୍ଧ୍ୟା ୭ଟାରୁ ସକାଳ ୭ଟା ପର୍ଯ୍ୟନ୍ତ ନାଇଟ୍ କର୍ଫ୍ୟୁ ଜାରି ରହିବ ।
ବୁଧବାର ଠାରୁ ଏଠାକାର ସମସ୍ତ ଜିଲାରୁ ସକାଳ ୭ଟାରୁ ସନ୍ଧ୍ୟା ୭ଟା ଯାଏଁ ବଜାର ଖୋଲା ରହିବ। ମାତ୍ର ସିନେମା ଘର, ମଲ୍ ଓ ଜିମ୍ ଖୋଲିବା ଉପରେ କଟକଣା ଜାରି ରହିବ। ରେସ୍ତୋରାଁ ଖୋଲା ଯିବ ମାତ୍ର ସେଠାରେ ବସି କେହି ଖାଇବେ ନାହିଁ କେବଳ ହୋମ ଡ଼େଲିଭରି ପାର୍ସଲ ଯିବ। ଜିଲାରେ ଦୋକାନ ବଜାର ଖୋଲିବା ନେଇ ଅନୁମତି ପ୍ରଦାନ କରାଯାଇଛି।
ଗତ ୨୪ ଘଣ୍ଟାରେ ରାଜ୍ୟରେ ୭୯୭ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସମସ୍ତ ଜିଲ୍ଲାରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୬୦୦ରୁ କମ ଅଛନ୍ତି । ସେହିପରି ଆରୋଗ୍ୟ ହାର ବୃଦ୍ଧି ପାଇ ୯୭.୧୦ ପ୍ରତିଶତରେ ପହଞ୍ଚିଛି । ସୋମବାର ଦିନ ଅତିରିକ୍ତ ମୁଖ୍ୟ ଶାସନ ସଚିବ (ସ୍ୱାସ୍ଥ୍ୟ) ଅମିତ ମୋହନ ପ୍ରସାଦ ସୋମବାର କହିଛନ୍ତି, ଚିକିତ୍ସିତ ହେଉଥିବା ରୋଗୀଙ୍କ ସଂଖ୍ୟା ଦିନକୁ ଦିନ ହ୍ରାସ ପାଉଛି ଏବଂ ସଂକ୍ରମଣ ହାର ମଧ୍ୟ ହ୍ରାସ ପାଉଛି। ରବିବାର ଦିନ ରାଜ୍ୟରେ ୨.୮୦ ଲକ୍ଷରୁ ଅଧିକ ନମୁନା ପରୀକ୍ଷା କରାଯାଇଛି ଏବଂ ଏପର୍ଯ୍ୟନ୍ତ ରାଜ୍ୟରେ ମୋଟ ୫.୧୬ କୋଟିରୁ ଅଧିକ ନମୁନା ପରୀକ୍ଷା କରାଯାଇଛି ।
Powered by Froala Editor
