ଟିକା ନେବା ପରେ କୌଣସି ଆକ୍ରାନ୍ତଙ୍କ ମୃତୁ୍ୟ ହୋଇନି:ଦିଲ୍ଲୀ ଏମ୍ସ
ନୂଆଦିଲ୍ଲୀ : କରୋନା ଟିକା ନେବା ସତ୍ତ୍ୱେ କିଛି ଲୋକ ସଂକ୍ରମିତ ହୋଇଛନ୍ତି । ତେବେ ଟିକା ନେବା ପରେ କରୋନା ସଂକ୍ରମିତ ହୋଇଥିବା କୌଣସି ବ୍ୟକ୍ତିଙ୍କର ମୃତୁ୍ୟ ହୋଇନଥିବା ଦିଲ୍ଲୀ ଏମ୍ସର ଏକ ଅନୁଧ୍ୟାନ ରିପୋର୍ଟରେ କୁହାଯାଇଛି । ଭାରତରେ କରୋନାର ଦ୍ୱିତୀୟ ଲହରରେ ଏହା ପ୍ରଥମ ଜିନ ଅନୁକ୍ରମଣ ଅନୁଧ୍ୟାନ । ଅନୁଧ୍ୟାନରୁ କୁହାଯାଇଛି ଯେ ସମ୍ପୂର୍ଣ୍ଣ ଟିକାକରଣ ପରେ ଯଦି କେହି କୋଭିଡ-୧୯ ରେ ସଂକ୍ରମିତ ହୋଇଥାନ୍ତି ତେବେ ଏହାକୁ ଅନୁପ୍ରବେଶ ସଂକ୍ରମଣ କୁହାଯାଏ । ଏପି୍ରଲ ଓ ମେ ମାସରେ ଏପରି ଅନୁପ୍ରବେଶ ସଂକ୍ରମଣ ହୋଇଥିବା ୬୩ ଜଣଙ୍କୁ ନେଇ ଦିଲ୍ଲି ଏମ୍ସ ପକ୍ଷରୁ ଅନୁଧ୍ୟାନ କରାଯାଇଥିଲା । ଏଥିରେ ୩୬ ଜଣ ଦୁଇଟି ପାନ ଟିକା ନେଇଥିଲେ ଓ ୨୭ ଜଣ ଗୋଟିଏ ପାନ ଟିକା ନେଇଥିଲେ । ୧୦ ଜଣ କୋଭିସିଲ୍ଡ ନେଇଥିବା ବେଳେ ୫୩ ଜଣ କୋଭାକ୍ସିନ ଟିକା ନେଇଥିଲେ । ତେବେ ଏହି ଅନୁପ୍ରବେଶ ସଂକ୍ରମଣ ହୋଇଥିବା କୌଣସି ବ୍ୟକ୍ତିଙ୍କର ମୃତୁ୍ୟ ହୋଇନଥିଲା ।
Powered by Froala Editor
