ଶିବଙ୍କୁ ଟକ୍କର ଦେବେ ‘ହନୁମାନ’
ମଧ୍ୟପ୍ରଦେଶ, ତେଲେଙ୍ଗାନା ଓ ଛତିଶଗଡ଼ ବିଧାନସଭା ନିର୍ବାଚନ ନିମନ୍ତେ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି କଂଗ୍ରେସ। ଏହି ତାଲିକାରେ ମଧ୍ୟପ୍ରଦେଶର ୧୪୪ଟି, ଛତିଶଗଡ଼ର ୩୦ଟି ଓ ତେଲେଙ୍ଗାନାର ୫୫ଟି ଆସନ ପାଇଁ କଂଗ୍ରେସ ପ୍ରାର୍ଥୀମାନଙ୍କର ନାମ ଘୋଷଣା କରିଛି।
କଂଗ୍ରେସ ମଧ୍ୟପ୍ରଦେଶରେ ପୂର୍ବତନ ମୁଖ୍ୟମନ୍ତ୍ରୀ କମଳ ନାଥଙ୍କୁ ଛିଣ୍ଡ୍ୱାରା ଆସନରୁ ପ୍ରାର୍ଥୀ କରିଛି। ସେହିପରି, ପୂର୍ବତନ ମୁଖ୍ୟମନ୍ତ୍ରୀ ଦିଗ୍ବିଜୟ ସିଂହଙ୍କ ପୁଅ ଜୟବର୍ଦ୍ଧନ ସିଂହଙ୍କୁ ରାଘିଘାଟ ଆସନରୁ ପ୍ରାର୍ଥୀ କରାଯାଇଛି। ଏହାଛଡ଼ା, ଦଳ ଅଭିନେତା ବିକ୍ରମ ମସ୍ତାଲଙ୍କୁ ଟିକେଟ୍ ଦେଇଛି। ତାଙ୍କୁ ଦଳ ମଧ୍ୟ ମୁଖ୍ୟମନ୍ତ୍ରୀ ଶିବରାଜ ସିଂହଙ୍କ ବିପକ୍ଷରେ ଛିଡା କରାଇଛି। ୨୦୦୮ ଟେଲିଭିଜନ୍ ଧାରାବାହିକୀ ‘ରାମାୟଣ’ରେ ହନୁମାନ ଭୂମିକାରେ ଅଭିନୟ କରିଥିଲେ ଅଭିନେତା ବିକ୍ରମ ମସ୍ତାଲ୍।
ପାଞ୍ଚ ରାଜ୍ୟ ବିଧାନସଭା ନିର୍ବାଚନ ତାଲିକା ଘୋଷଣା ପରେ ସରଗରମ ହୋଇଯାଇଛି ରାଜନୀତି। ତିନୋଟି ରାଜ୍ୟ ମଧ୍ୟ ପ୍ରଦେଶ, ଛତିଶଗଡ ଏବଂ ତେଲେଙ୍ଗାନା ପାଇଁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି କଂଗ୍ରେସ।
Powered by Froala Editor
