ମୋଦୀଙ୍କ ଏହି ଫୋନ କଲକୁ ନେଇ ଚର୍ଚ୍ଚା
କୋଲାକାତା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ତଥା ପଶ୍ଚିମବଙ୍ଗ ବିଜେପିର ପ୍ରମୁଖ ନେତା ମୁକୁଳ ରାୟଙ୍କୁ ଫୋନ କରି କରୋନାରେ ଆକ୍ରାନ୍ତ ପତ୍ନୀଙ୍କ ସ୍ୱାସ୍ଥ୍ୟ ସମ୍ପର୍କରେ ପଚାରି ବୁଝିଥିଲେ । ଏହାକୁ ନେଇ ରାଜ୍ୟ ରାଜନୀତିରେ ଚର୍ଚ୍ଚା ଜୋର ଧରିଛି । ମୁକୁଳଙ୍କ ପତ୍ନୀ କୃଷ୍ଣା ରାୟ କରୋନାରେ ସଂକ୍ରମିତ ହୋଇ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ପୂର୍ବାହ୍ନ ୧୦ଟାରେ ପ୍ରଧାନମନ୍ତ୍ରୀ ମୁକୁଳ ରାୟଙ୍କୁ ଫୋନ କରି ୨ ମିନିଟ କଥା ହୋଇଥିଲେ । ମୁକୁଳ ଓ ପତ୍ନୀଙ୍କ ସ୍ୱାସ୍ଥ୍ୟ କିଭଳି ଅଛି ଏବଂ ଯଥା ସମ୍ଭବ ସାହାଯ୍ୟ କରାଯିବ ବୋଲି ଆଶ୍ୱାସନା ଦେଇଥିଲେ । ନିକଟରେ ମୁକୁଳଙ୍କ ପୁଅ ଶୁଭ୍ରାଂଶୁ କେନ୍ଦ୍ର ରାଜ୍ୟ ବିବାଦକୁ ନେଇ ସୋସିଆଲ ମିଡିଆରେ ତୃଣମୂଳ ସପକ୍ଷରେ ମନ୍ତବ୍ୟ ଦେଇଥିଲେ । ସେଥିରୁ ଶୁଭ୍ରାଂଶୁ ତୃଣମୂଳକୁ ଫେରିବାକୁ ଯୋଜନା କରୁଥିବା ନେଇ ଚର୍ଚ୍ଚା ଜୋର ଧରିଥିଲା ।
Powered by Froala Editor
