ବାଘ ବାଘ । ଶୁଣିଲେ ମଣିଷ ଜୀବନ ବଞ୍ଚାଇ କୁଆଡେ ଲୁଚିବ । ହେଲେ ଗୋଟିଏ ଅସୁସ୍ଥ ଚିତାକୁ ମଧ୍ୟପ୍ରଦେଶର ଏକ ଗାଁରେ ଲୋକମାନେ ଅତି ହୀନ ବ୍ୟବହାର କରିଛନ୍ତି । ତାକୁ ଚିକିତ୍ସା ଯୋଗାଇଦେବା ବଦଳରେ ଚଲାଇ ଚଲାଇ ନେଇଛନ୍ତି । ସେତିକିବେଳେ କିଏ ସେଲଫି ଉଠାଉଛି ତ କିଏ ତା ଉପରେ ବସିବାକୁ ଚେଷ୍ଟା କରୁଛନ୍ତି । ଯାହାର ଭିଡିଓ ଭାଇରାଲ ହେବା ପରେ ୟୁଜର୍ସ ନିନ୍ଦା କରିଛନ୍ତି ।

ଏ ଘଟଣା ମଧ୍ୟପ୍ରଦେଶରୁ ଆସିଛି । ଗତ ମଙ୍ଗଳବାର ଦିନ ଅପରାହ୍ନ ସମୟରେ ସୋନକାଚର କାଳୀ ସିନ୍ଧ ନଦୀ କୂଳରେ ଚିତାବାଘଟି କୌଣସି କାରଣରୁ ନିସ୍ତେଜ ହୋଇ ପଡ଼ିରହିଥିଲା । ସତେ ଯେମିତି ତା' ଶରୀରରେ କୌଣସି ଶକ୍ତି ନଥିଲା। ସେହି ସମୟରେ ଚିତାବାଘଟିକୁ ସ୍ଥାନୀୟ ଅଞ୍ଚଳର କିଛି ଲୋକେ ଦେଖିଥିଲେ । ତା'କୁ ବଞ୍ଚାଇବାକୁ ପ୍ରୟାସ କରିବା ବଦଳରେ ଓଲଟି ତା' ସହ ମନୋରଞ୍ଜନ କରିଥିଲେ । ଚିକିତ୍ସା କରାଇବା ବଦଳରେ ବାଘକୁ ଚଲାଇ ଚଲାଇ ନେଇଥିଲେ । ତା' ସହିତ ଅସୁସ୍ଥ ଚିତାବାଘଟି ଉପରେ ବସିବାକୁ ମଧ୍ୟ ଉଦ୍ୟମ କରିଥିଲେ । ପରେ ପରେ ଚତାବାଘଟିର ଖବର କୌଣସି ସୂତ୍ରରୁ ପାଇଥିଲା ରେସ୍କ୍ୟୁ ଟିମ୍ । ଉଜ୍ଜୟିନୀରୁ ଏକ ରେସ୍କ୍ୟୁ ଟିମ୍ ଘଟଣାସ୍ଥଳରେ ପହଞ୍ଚି ଚତାବାଘଟିକୁ ଉଦ୍ଧାର କରିଥିଲା । ତେବେ ଭିଡିଓ ଭାଇରାଲ ହେବା ପରେ ସେହି ଲୋକଙ୍କ ଉପରେ କାର୍ଯ୍ୟାନୁଷ୍ଠାନ ଦାବି କରାଯାଇଛି । 

Powered by Froala Editor