ଅମିତାଭଙ୍କ ଫ୍ୟାନ ରଜନୀକାନ୍ତ
![ଅମିତାଭଙ୍କ ଫ୍ୟାନ ରଜନୀକାନ୍ତ](https://odishanewslens.com/news_gallery/23410_1691437970.jpg)
ସାଉଥ ହେଉକି ବଲିଉଡ ଇଣ୍ଡଷ୍ଟ୍ରି ସବୁଠି ରଜନୀକାନ୍ତଙ୍କ ଯାଦୁ ଛାଇ ରହିଛି । ସେ ସମସ୍ତଙ୍କ ପ୍ରିୟ । ହେଲେ ଜାଣିଛନ୍ତି କି? ସେ କେଉଁ ହିରୋକୁ ପସନ୍ଦ କରନ୍ତି? ରଜନୀକାନ୍ତ ଅନେକ ଥର ସାକ୍ଷାତକାରରେ ଗୋଟିଏ କଥା କୁହନ୍ତି ଯେ ସେ ଅନେକ କଳାକାରଙ୍କ କାର୍ଯ୍ୟ ଦ୍ୱାରା ପ୍ରଭାବିତ ହୋଇଛନ୍ତି। କିନ୍ତୁ ଅମିତାଭ ବଚ୍ଚନଙ୍କ ସେ ପ୍ରଶଂସକ ।
ଅମିତାଭ-ରଜନୀକାନ୍ତ ଏକାଠି ଅନେକ ଫିଲ୍ମରେ କାମ କରିଛନ୍ତି, ଯେପରି ଅନ୍ଧା କାନୁନ୍, ହମ୍ ଏବଂ ଗିରଫତାର୍ । ଏହା ବ୍ୟତୀତ ଅମିତାଭ ରଜନୀକାନ୍ତଙ୍କ ଫିଲ୍ମ କୋଚାଦାଇୟାଁ ପାଇଁ ବି ଭଏସ୍ ଓଭର ଦେଇଥିଲେ। ଶାହରୁଖ ଖାନଙ୍କ ଫିଲ୍ମ 'ରା ୱାନ'ରେ ରଜନୀକାନ୍ତ ଏକ ଗେଷ୍ଟ ଭୂମିକାରେ ଥିଲେ ଏବଂ ଏହି ଫିଲ୍ମର ଭଏସ୍ ଓଭର ଅମିତାଭ ବଚ୍ଚନ ଦେଇଥିଲେ।
ରଜନୀକାନ୍ତ ଅମିତାଭ ବଚ୍ଚନଙ୍କ ଅଭିନୀତ ଅନେକ ହିନ୍ଦୀ ଫିଲ୍ମର ରିମେକରେ କାମ କରିଛନ୍ତି। ଅମିତାଭଙ୍କ ଫିଲ୍ମ 'ଦିୱାର'କୁ ତାମିଲରେ "ଥି" ଭାବରେ ପୁନଃ ନିର୍ମାଣ କରାଯାଇଥିଲା ଏବଂ ରଜନୀକାନ୍ତ ଏଥିରେ ଅମିତାଭ ଭୂମିକାରେ ଅଭିନୟ କରିଥିଲେ। ତାମିଲ ଫିଲ୍ମ 'ବିଲା' ଅମିତାଭଙ୍କ ଫିଲ୍ମ 'ଡନ୍' ର ରିମେକ୍ ଥିଲା। ଅମିତାଭଙ୍କ ଫିଲ୍ମ 'ଖୁଦ୍ଦାର' ଅଫିସିଆଲ୍ ରିମେକ୍ ଥିଲା 'ପଡିକଥାୱନ'। 'କସମେ ବାଦେର' ରିମେକ୍ ଥିଲା 'ଥର୍ମାଥିନ'। ସେହିଭଳି ଅମିତାଭଙ୍କ ସୁପରହିଟ୍ ଫିଲ୍ମ 'ଲାବାରିସ'ର ରିମେକ୍ 'ପାଣକ୍କରଣ'। ଏପରି ଅମିତାଭଙ୍କ ଅନେକ ଫିଲ୍ମ ଅଛି ଯାହାକୁ ରଜନୀକାନ୍ତ ରିମେକ୍ କରିଛନ୍ତି। ତେଣୁ ସେ ନିଜେ କହିଛନ୍ତି ଯେ, ସେ ଅମିତାଭଙ୍କୁ ବହୁତ ପସନ୍ଦ କରନ୍ତି । ତାଙ୍କ ସହ କାମ କରି ସେ ଖୁସି ଅନୁଭବ କରନ୍ତି ।
Powered by Froala Editor