ଗୋଷ୍ଠୀ ସଂଘର୍ଷ ଭିତରେ ଦମ୍ ଦେଖାଇଲେ ଏହି ଆଇପିଏସ୍ : ହଜାର ହଜାର ଲୋକଙ୍କୁ ବାହାର କଲେ
ହରିୟାଣାରେ ଥମୁନି ହିଂସା । ପୁଲିସ ଓ ପ୍ରଶାସନ ନାକେଦମ ହୋଇଗଲେଣି । ଏହି ହିଂସାରେ ଦୁଇଜଣ ହୋମଗାର୍ଡଙ୍କ ସମେତ ତିନି ଜଣଙ୍କର ମୃତ୍ୟୁ ଘଟିଛି। ୧୯ଜଣ ପୁଲିସ କର୍ମଚାରୀ ଏବଂ ୨୬ଜଣ ସାଧାରଣ ନାଗରିକ ଆହତ ହୋଇଥିବା କହିଛନ୍ତି ହରିୟାଣା ଗୃହମନ୍ତ୍ରୀ ଅନିଲ ବିଜ୍। ଘଟଣା ସମ୍ପର୍କରେ ଖବର ଦେବା ସହ ସେ ଏଡିଜିପି ମମତା ସିଂଙ୍କ ପ୍ରଶଂସା କରିଥିବା ଦେଖାଯାଇଛି। ସେ କହିଛନ୍ତି ଯେ ମମତା ସିଂଙ୍କ ପାଇଁ ମନ୍ଦିରରେ ଫସି ରହିଥିବା ହଜାର ହଜାର ଲୋକଙ୍କ ଜୀବନ ରକ୍ଷା କରାଯାଇପାରିଛି। ଲୋକଙ୍କୁ ମନ୍ଦିରରେ ବନ୍ଦୀ କରାଯାଇଥିଲା। ଏ ବିଷୟରେ ଜାଣିବା ପରେ ମମତା ସିଂ ମନ୍ଦିରକୁ ଘେରାଉ କରି ଲୋକଙ୍କୁ ନିରାପଦରେ ସ୍ଥାନାନ୍ତର କରିଥିଲେ।
୧୯୯୬ ବ୍ୟାଚର ଆଇପିଏସ୍ ଅଧିକାରୀ ମମତା ସିଂ ଉତ୍ତରପ୍ରଦେଶର ଅଲିଗଡର ବାସିନ୍ଦା। ସେ ହେଉଛନ୍ତି ପ୍ରଥମ ମହିଳା ଯିଏକି ରୋହତକ ରେଞ୍ଜର ଆଇଜି ହୋଇଥିଲେ। ମମତା ସିଂଙ୍କ ସ୍ୱାମୀ ମଧ୍ୟ ଆଇପିଏସ୍ ଏବଂ ଜେଜେବାପା ମଧ୍ୟ ଆଇପିଏସ୍ ରହିସାରିଛନ୍ତି। ଖାଲିଯେ ଫିଲ୍ମରେ ସିଂଘମ ଅଛନ୍ତି ତାନୁହେଁ ମମତାଙ୍କ ଭଳି ଅଫିସର ରିଅଲ ଲାଇଫରେ କମାଲ କରି ଦେଖାଇଛନ୍ତି ।
Powered by Froala Editor
