ଏସ୍ଟିଏଫ୍ର ଚଢ଼ାଉ, ଜଣେ ଗିରଫ
କୋକସରା: ଛତିଶଗଡ଼ ଏସଟିଏଫ ଟିମ୍ ଓ କଳାହାଣ୍ଡି ଦକ୍ଷିଣ ବନଖଣ୍ଡ ବିଭାଗ ଓ ପୋଲିସ ପକ୍ଷରୁ କଳାହାଣ୍ଡି ଜିଲ୍ଲାର କୋକସରା ବ୍ଲକ ସାହାଜଖୋଲ ସଂରକ୍ଷିତ ଜଙ୍ଗଲ ନିକଟରେ ଥିବା ଖଲିଗଡ଼ ଗ୍ରାମରେ ମିଳିତ ଚଢ଼ାଉ। ଚଢ଼ାଉ ବେଳେ ୬ ଦେଶୀ ବନ୍ଧୁକ ଓ ଶିକାର ହୋଇଥିବା ବନ୍ୟଜନ୍ତୁଙ୍କ ବିପୁଳ ପରିମାଣର ଅବଶେଷ ଉଦ୍ଧାର କରାଯାଇଛି। ଏଥି ସହିତ ଜଣେ ଅଭିଯୁକ୍ତକୁ ଗିରଫ କରିଥିବା ବେଳେ ଅନ୍ୟ ମାନେ ଫେରାର ଥିବା ସୂଚନା ମିଳିଛି।
ଗତ କିଛିଦିନ ତଳେ ଜୟପାଟଣା ଥାନା ଅନ୍ତର୍ଗତ ମଙ୍ଗଳପୁର ଗାଁରେ ବେଆଇନ ଭାବେ ବନ୍ଧୁକ ତିଆରି କରି ସୀମାନ୍ତ ରାଜ୍ୟ ଛତିଶଗଡ଼କୁ ଚାଲାଣ ହେଉଥିବା ଖବର ମିଳିଥିଲା। ଶନିବାର ସନ୍ଧ୍ୟାରେ ଛତିଶଗଡ଼ ଏସଟିଏଫ ଟିମ୍ ପକ୍ଷରୁ ମଙ୍ଗଳପୁର ଗ୍ରାମରେରେ ଚଢ଼ାଉ କରାଯାଇଥିବା ବେଳେ ପୁଣି ଏହାର ଲିଙ୍କ ଖଲିଗଡ଼ ଗ୍ରାମରେ ଥିବା ନେଇ ବିଶ୍ବସ୍ତ ସୂତ୍ରରୁ ଖବର ପାଇ ଚଢ଼ାଉ କରାଯାଇଛି। ଜଣେ ଅଭିଯୁକ୍ତକୁ ଧର୍ମଗଡ ରେଞ୍ଜ ଅଫିସରେ ଅଟକ ରଖି ପଚରାଉଚରା ସହ ତଦନ୍ତ ଜାରି ରହିଛି। ଚଢ଼ାଉରେ କଳାହାଣ୍ଡି ଦକ୍ଷିଣ ବନଖଣ୍ଡର ଅଧିକାରୀ,ଛତିଶଗଡ଼ ଏସଟିଏଫ ଟିମ , ଆମପାଣି ଥାନା ପୋଲିସ ସାମିଲ ହୋଇଥିଲେ।
Powered by Froala Editor