ମ୍ୟୁଜିକ କମ୍ପୋଜରଙ୍କ ହାତ ଧରିଲେ ଅଶିଶ୍
'ରାତା ଲମ୍ବିୟାଁ, ଦିଲବର, ଆଖ ଲଡ ଜାଭେ' ଭଳି ଲୋକପ୍ର୍ରିୟ ଗୀତ ଗାଇଥିବା ଅଶିଶ କୌର ବିବାହ ବନ୍ଧନରେ ବାନ୍ଧି ହୋଇଛନ୍ତି । ମ୍ୟୁଜିକ କମ୍ପୋଜର ଗୋଲ୍ଡୀ ସୋହେଲଙ୍କ ସହିତ ବିବାହ କରିଛନ୍ତି ଅଶିଶ । ଅଶିଶ ପ୍ରେମିକ ଗୋଲ୍ଡୀ ସୋହେଲଙ୍କ ସହିତ ଗୁରୁଦ୍ବାରାରେ ବିବାହ କରିଛନ୍ତି । ବିବାହ ଉତ୍ସବରେ କେବଳ ପରିବାର ଲୋକେ ଏବଂ କିଛି ଅନ୍ତରଙ୍ଗ ବନ୍ଧୁ ସାମିଲ ଥିଲେ । ବିବାହ ପରେ ଦୁହେଁ ଅମୃତସରର ସ୍ବର୍ଣ୍ଣ ମନ୍ଦିରକୁ ଯାଇଥିଲେ । ବିବାହ ବେଳର ଫଟୋ ସୋସିଆଲ ମିଡିଆରେ ଭାଇରଲ ହେଉଛି । ଦୁହିଁଙ୍କ ବିବାହ ଦେଖି ଫ୍ୟାନ୍ସ ବହୁତ ଖୁସି ହୋଇଯାଇଛନ୍ତି ।
ବିବାହରେ ଅଶିଶ ପିଙ୍କ କଲର ଜରି ୱାର୍କର ସାଲୱାଲ ସୁଟ୍ ପିନ୍ଧିଥିଲେ । ସୁଟ୍ ସହିତ ଗୋଟା ୱାର୍କର ଦୁପଟା ମ୍ୟାଚ୍ କରିଥିଲେ । ଏହାସହିତ ହୀରାର ହାର ପିନ୍ଧିଥିଲେ । ସେହିପରି ଗୋଲ୍ଡୀ ବ୍ଲସ୍ ପିଙ୍କ କଲରର ଶେରୱାନୀ ପିନ୍ଧିଥିଲେ । ବ୍ଲସ୍ ପିଙ୍କ କଲର ଡ୍ରେସରେ ଦୁଇଜଣ ବହୁତ ସୁନ୍ଦର ଦେଖାଯାଉଥିଲେ ।
Powered by Froala Editor
