ଅଭାବନୀୟ ଘଟଣା: ବିଦ୍ୟୁତ ଆଘାତରେ ଚାଲିଗଲା ମା’ ପୁଅଙ୍କ ଜୀବନ
ସୋର: ବିଦ୍ୟୁତ ଆଘାତରେ ମା’ ଓ ପୁଅଙ୍କ ମୃତ୍ୟୁ ହୋଇଛି । ବାଲେଶ୍ୱର ଜିଲ୍ଲା ଖଇରା ଥାନା ଅଧୀନ ନାହୁଲ ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା ।
ବାଲେଶ୍ୱର ଜିଲ୍ଲା ଖଇରା ଥାନା ଅଧୀନ ନାହୁଲ ଗ୍ରାମର ପୂର୍ଣ୍ଣଚନ୍ଦ୍ର ଦାସଙ୍କ ସ୍ତ୍ରୀ ୪୮ ବର୍ଷ ବୟସ୍କ ତିଳୋତ୍ତମା ଦାସ ଓ ୨୮ ବର୍ଷ ବୟସ୍କ ପୁଅ ରାମଚନ୍ଦ୍ର ଦାସ ଶନିବାର ଘର ନିକଟ ବାଡି଼କୁ ଯିବା ରାସ୍ତାରେ ପଡ଼ିଥିବା ରଡ଼ ଉପରେ ବିଦୂତ ତାର ଛିଣ୍ଡି ପଡିଥିଲା । ସେହି ରଡ୍ ସଂସ୍ପର୍ଶରେ ମା’-ପୁଅ ୨ ଜଣ ଆସିଯାଇଥିଲେ । ଫଳରେ ଉଭୟଙ୍କର ମୃତ୍ୟୁ ହୋଇଥିଲା । ଦୁର୍ଘଟଣା ସମୟରେ ତାଙ୍କ ସାନ ଝିଅ ଘରେ ଉପସ୍ଥିତ ଥିଲେ । ଖବର ପାଇ ଖଇରାରେ ଥିବା ପୂର୍ଣ୍ଣଚନ୍ଦ୍ର ଆସି ତୁରନ୍ତ ମା’ ଓ ପୁଅ ଦୁଇଜଣଙ୍କୁ ଖଇରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ ।
Powered by Froala Editor
