ନିଉଜ ପୋର୍ଟାଲ ସହ ଜଡ଼ିତ ଥିଲେ ଏହା ନିଶ୍ଚିତ ଜାଣନ୍ତୁ
ନୂଆଦିଲ୍ଲୀ: ନୂଆ ସୂଚନା ପ୍ରଯୁକ୍ତି ନିୟମକୁ ସରକାର ବେଶ ଗୁରୁତ୍ୱ ଦେଉଛନ୍ତି । ଏହାକୁ କମ୍ପାନୀ ଗୁଡ଼ିକ ପାଳନ କରିବା ଲାଗି କ’ଣ ସବୁ ପଦକ୍ଷେପ ଗ୍ରହଣ କରିଛନ୍ତି ତାହା ସରକାର ଜାଣିବାକୁ ଚାହୁଁଛନ୍ତି । ନୂଆ ଆଇଟି ନିୟମ ଲାଗୁ କରିବା ଲାଗି ଗ୍ରହଣ କରାଯାଇଥିବା ପଦକ୍ଷେପ ବିଷୟରେ ସବିଶେଷ ବିବରଣୀ ୧୫ ଦିନ ଭିତରେ ପ୍ରଦାନ କରିବାକୁ ନିଉଜ ପୋର୍ଟାଲ ଓ ନେଟଫ୍ଲିକ୍ସ ଏବଂ ଆମାଜନ ପ୍ରାଇମ ଭଳି ଓଟିଟି ସଂସ୍ଥାଗୁଡ଼ିକୁ କୁହାଯାଇଛି । ଏହି ନିୟମରେ ଅନେକ କଠୋର ବ୍ୟବସ୍ଥା ରହିଛି । ଅଭିଯୋଗ ସମାଧାନ କରି ତି୍ରସ୍ତରୀୟ ବ୍ୟବସ୍ଥା କରିବା ସହ ସ୍ୱତନ୍ତ୍ର ଅଧିକାରୀ ନିଯୁକ୍ତ କରିବା ଲାଗି କମ୍ପାନୀ ଗୁଡ଼ିକୁ କୁହାଯାଇଛି । ଏହା ବ୍ୟତୀତ ଜାତୀୟ ସୁରକ୍ଷା ପ୍ରତି ବିପଦ ଥିବା ମେସେଜ ଓ ପୋଷ୍ଟ ଗୁଡିକ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ଲାଗି ସରକାର ଚାହୁଁଛନ୍ତି । ସୋସିଆଲ ମିଡିଆ, ଓଟିଟି ସଂସ୍ଥା ଅନଲାଇନ ନିଉଜ ପୋର୍ଟାଲ ଗୁଡ଼ିକ ଏହି ନିୟମ ଜରିଆରେ ନିୟନ୍ତ୍ରଣ ମଧ୍ୟକୁ ଆଣିବା ଲାଗି ସରକାର ଲକ୍ଷ୍ୟ ରଖିଛନ୍ତି ।
Powered by Froala Editor
