ଏହା କର୍ଣ୍ଣାଟକାର ଲୋକଙ୍କ ବିଜୟ : ରାହୁଲ ଗାନ୍ଧି
କର୍ଣ୍ଣାଟକାରେ କଂଗ୍ରେସର ଐତିହାସିକ ଉତ୍ସବରେ କଂଗ୍ରେସ ନେତା ରାହୁଲ ଗାନ୍ଧି ଯୋଗ ଦେଇ ଦଳୀୟ ନେତା ଓ କର୍ମୀଙ୍କୁ ଶୁଭେଚ୍ଛା ଜଣାଇଛନ୍ତି। ଏଥିସହ କର୍ଣ୍ଣାଟକାରେ ଘୃଣାର ବଜାର ବନ୍ଦ ହୋଇଛି ବୋଲି ସେ ତାଙ୍କ ପ୍ରଥମ ପ୍ରତିକ୍ରିୟାରେ କହିଛନ୍ତି।
ସେ କହିଛନ୍ତି, “କର୍ଣ୍ଣାଟକାରେ ଘୃଣାର ବଜାର ବନ୍ଦ ହୋଇଛି। ପ୍ରେମର ଦୋକାନ ଖୋଲିଛି। ଏହା ସମସ୍ତଙ୍କର ବିଜୟ। ପ୍ରଥମେ ଏହା କର୍ଣ୍ଣାଟକାର ଲୋକଙ୍କ ବିଜୟ। ନିର୍ବାଚନ ବେଳେ ମୁଁ ଓ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ୫ଟି ପ୍ରତିଶ୍ରୁତି ଦେଇଥିଲୁ। ସେହି ୫ ପ୍ରତିଶ୍ରୁତିକୁ ଆମେ ପ୍ରଥମ କ୍ୟାବିନେଟରେ ଅନୁମୋଦନ ଦେବୁ। କର୍ଣ୍ଣାଟକାବାସୀଙ୍କୁ ଧନ୍ୟବାଦ। ଜୟ ହିନ୍ଦ।”
କର୍ଣ୍ଣାଟକାରେ କଂଗ୍ରେସ ବଡ଼ ବିଜୟ ହାସଲ କରିଛି। କଂଗ୍ରେସ ପୂର୍ଣ୍ଣ ସଂଖ୍ୟା ଗରିଷ୍ଠତା ହାସଲ କରିବା ସହ କର୍ଣ୍ଣାଟକାରେ ସରକାର ଗଠନ କରିବାକୁ ମ୍ୟାଜିକ ନମ୍ବର ହାସଲ କରି ନେଇଛି। ଏହାର ଅର୍ଥ ଦଳ ୧୩୭ଟି ଆସନ ଜିତିବ। ସେହିପରି ବିଜେପି ୨୦୧୮ରେ ୧୦୪ଟି ଆସନ ଜିତିଥିବା ବେଳେ ଏଥର ୬୩କୁ ଖସିବ। କଂଗ୍ରେସ କେବେଳ ଅଧିକ ଆସନ ଜିତିନି। ଦଳର ଭୋଟ ଶେୟାର ମଧ୍ୟ ବଢ଼ିଛି।
Powered by Froala Editor
