କଂଗ୍ରେସକୁ ମୋଦିଙ୍କ କଟାକ୍ଷ : ଯାହାର ଲକ୍ଷ୍ୟ ଦୁର୍ନୀତି, ସେ କ’ଣ କର୍ନାଟକର ବିକାଶ କରିପାରିବ
ମେ’୧୦ରେ କର୍ନାଟକ ବିଧାନସଭା ନିର୍ବାଚନ। ଏଥିନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ରବିବାର ଶିବାମୋଗାରେ ନିର୍ବାଚନୀ ରାଲି କରିଛନ୍ତି। ଶନିବାର ଦିନ କର୍ଣ୍ଣାଟକର ବେଙ୍ଗାଲୁରୁରେ ୩ଘଣ୍ଟିଆ ବିଶାଳ ରୋଡ୍ ସୋ’ ପରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅପେକ୍ଷାକୃତ ଛୋଟ ରୋଡ୍ ସୋ’ରେ ବାହାରିଛନ୍ତି। ୮ଘଣ୍ଟିଆ ବିଶାଳ ରୋଡ୍ ସୋ’ ହେବ ବୋଲି ପୂର୍ବରୁ ଯୋଜନା କରାଯାଇଥିଲା। କିନ୍ତୁ, ‘ନିଟ୍’ ଏବଂ ଜନସାଧାରଣଙ୍କ ଅସୁବିଧା ପ୍ରତି ଧ୍ୟାନ ଦେଇ ଏହି ରୋଡ୍ସୋକୁ ଦୁଇ ଭାଗରେ ବିଭକ୍ତ କରାଯାଇଥିଲା। ଶନିବାର ଦିନ ୨୬ କିଲୋମିଟର୍ ରୋଡ୍ ସୋ’ କରାଯାଇଥିବା ବେଳେ ଆଜି ୧୦ କିଲୋମିଟର୍ ରୋଡ୍ ସୋ’ ଆୟୋଜନ କରାଯାଇଛି। ଏହି ସମୟରେ ପ୍ରଧାନମନ୍ତ୍ରୀ ମୋଦି କଂଗ୍ରେସକୁ ଟାର୍ଗେଟ କରି କହିଛନ୍ତି, ଯାହାର ଲକ୍ଷ୍ୟ ଦୁର୍ନୀତି, ସେ କ’ଣ କର୍ନାଟକର ବିକାଶ କରିପାରିବ।
ପ୍ରଧାନମନ୍ତ୍ରୀ ମୋଦି କହିଛନ୍ତି, ଭାଜପା ସରକାର ଆମର ପ୍ରାଚୀନ ସଂସ୍କୃତି ଏବଂ ଐତିିହ୍ୟକୁ ନୂତନ ପିଢିକୁ ନେବା ପାଇଁ ଆନ୍ତରିକତାର ସହିତ କାର୍ଯ୍ୟ କରୁଛନ୍ତି, କିନ୍ତୁ କଂଗ୍ରେସ ସରକାର ମଧ୍ୟ ଏଥିରେ ରାଜନୀତି କରିଥିଲେ। କଂଗ୍ରେସ ଆମର ବିଶ୍ୱାସ ଏବଂ ଆଧ୍ୟାତ୍ମିକତାର ପ୍ରତ୍ୟେକ ଦିଗକୁ ନଷ୍ଟ କରିଦେଇଛି।
Powered by Froala Editor
