ସ୍ପିଡ୍ ବାଇକ୍ ନଚଲାଇବାକୁ ଦେଉଥିଲେ ପରାମର୍ଶ, ଡିଭାଇଡରରେ ପିଟି ହୋଇଗଲେ ୟୁଟ୍ୟୁବର
ଉତ୍ତରପ୍ରଦେଶର ଆଲିଗଡ଼ ଥାନା ଟପଲସ୍ଥିତ ଯମୁନା-ଏକ୍ସପ୍ରେସ୍ ୱେରେ ଜଣେ ୟୁଟ୍ୟୁବର୍ଙ୍କ ଦୁର୍ଘଟଣାରେ ମୃତ୍ୟୁ ହୋଇଛି। ୟୁଟ୍ୟୁବର୍ ଜଣକ ଘଣ୍ଟା ପ୍ରତି ୩୦୦ କିଲୋମିଟର ବେଗରେ ଯାଉଥିବା ବେଳେ ଏହି ଦୁର୍ଘଟଣା ଘଟିଛି। ୟୁଟ୍ୟୁବର ଭିଡିଓ କରୁଥିବା ବେଳେ ଅଧିକ ବେଗରେ ଗାଡ଼ି ନ ଚଲାଇବାକୁ ପରାମର୍ଶ ବି ଦେଉଥିଲେ। ହେଲେ ଭିଡିଓ କରୁ କରୁ ଚାଲିଗଲା ଜୀବନ । ଅଧିକ ବେଗରେ ଥିବା ବାଇକ୍ ଡିଭାଇଡର୍ରେ ପିଟି ହୋଇ ଯାଇଥିଲା। ଏହି ଦୁର୍ଘଟଣାରେ ତାଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଛି। ମୃତକ ହେଲେ ଦିଲ୍ଲୀର ୟୁଟ୍ୟୁବର ଅଗସ୍ତ୍ୟ ଚୌହାନ । ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।
ୟୁଟ୍ୟୁବର୍ ଅଗସ୍ତ୍ୟ ତାଙ୍କ ରେସିଂ ବାଇକ୍ରେ ଆଗ୍ରାରୁ ଦିଲ୍ଲୀ ଯାଉଥିଲେ। ଯାଉଥିବା ବାଟରେ ସେ ନିଜ ଗାଡ଼ି ଉପରୁ ନିୟନ୍ତ୍ରଣ ହରାଇବାରୁ ବାଇକ୍ଟି ଯାଇ ଡିଭାଇଡର୍ରେ ପିଟି ହୋଇ ଯାଇଥିଲା। ଯଦିଓ ସେ ହେଲ୍ମେଟ୍ ପିନ୍ଧିଥିଲେ, ତାହା ସତ୍ତ୍ବେ ବି ତାଙ୍କ ଜୀବନ ବଞ୍ଚାଇ ହୋଇନାହିଁ। ଦୁର୍ଘଟଣାରେ ତାଙ୍କ ମସ୍ତିଷ୍କରେ ଭୀଷଣ ଆଘାତ ଲାଗିବାରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଛି।
ଅଗସ୍ତ୍ୟ ଚୌହ୍ବାନ ହେଉଛନ୍ତି ଦିଲ୍ଲୀର ବାସିନ୍ଦା। ସେ ନିଜର ଏକ ୟୁଟ୍ୟୁବ୍ ଚ୍ୟାନେଲ୍ ଅଛି। ଗାଡ଼ି ଚଲାଇବା ବେଳେ ସେ ତାଙ୍କ ଚ୍ୟାନେଲ୍ ପାଇଁ ଭିଡିଓ ବନାଉଥିଲେ। ୟୁଟ୍ୟୁବ୍ରେ ତାଙ୍କର ଲକ୍ଷ ଲକ୍ଷ ସବ୍ସ୍କ୍ରାଇବର୍ ଥିବା ବେଳେ ତାଙ୍କର ଏକ ଭିଡିଓରେ କୋଟି କୋଟି ଭିୟୁ ହେଉଥାଏ।
Powered by Froala Editor
