ଗ୍ୟାଙ୍ଗଷ୍ଟର ଅନିଲ ଦୁଜାନାକୁ ଏନକାଉଣ୍ଟର
![ଗ୍ୟାଙ୍ଗଷ୍ଟର ଅନିଲ ଦୁଜାନାକୁ ଏନକାଉଣ୍ଟର](https://odishanewslens.com/news_gallery/21314_1683220707.jpg)
ଏସଟିଏଫର ଏନକାଉଣ୍ଟରେ ଗ୍ୟାଙ୍ଗଷ୍ଟର ଅନିଲ ଦୁଜାନା ନିହତ ହୋଇଛି। ଗତ ଏପ୍ରିଲ ୧୦ରେ ଜେଲରୁ ବାହାରିଥିବା ଗ୍ୟାଙ୍ଗଷ୍ଟର ଅନିଲ ଦୁଜାନାକୁ ଉତ୍ତର ପ୍ରଦେଶ ପୁଲିସ୍ର ଏସଟିଏଫ ମୀରଟରେ ଗୁଳି କରି ହତ୍ୟା କରିଛି। କୁଖ୍ୟାତ ଅପରାଧୀ ଅନିଲ ଦୁଜାନା ମିରଟରେ ଭୋଲା ଝାଲରେ ସକ୍ରିୟ ଥିବା ସୂଚନା ମିଳିବା ପରେ ଏସଟିଏଫ ତାଙ୍କୁ ଚାରି ପଟରୁ ଘେରି ଯାଇଥିଲା। କୁହାଯାଉଛି କି ସେ ପୋଲିସ ଉପରକୁ ଫାୟାରିଂ କରି ଫେରାର ହେବାକୁ ଚେଷ୍ଟା କରୁଥିଲେ। ଏହି ସମୟରେ ପୋଲିସ ଗୁଳି ବାଜିବାରୁ ତାଙ୍କର ମୃତ୍ୟୁ ହୋଇଛି।
ଅନୀଲ ନାଁରେ ୬୨ଟି ମାମଲା ରହିଥିଲା। ସେ ଏକାଧିକ ହତ୍ୟା ଓ ଅପହରଣ ମାମଲାରେ ସାମିଲ ଥିଲା। ନୋଏଡା, ଗାଜିଆବାଦ ସମେତ ଦିଲ୍ଲୀ ଏନସିଆର ରିଜନରେ ସେ ତା’ର ଆତଙ୍କରାଜ ଚଳାଇଥିଲା। ଗୋଟିଏ ହତ୍ୟା ମାମଲାରେ ଗିରଫ ହୋଇ ଜେଲ ଯାଇଥିବା ଅନୀଲକୁ ବେଲ ମିଳିବା ପରେ ସେ ଏପ୍ରିଲ ୧୦ରେ ମୁକୁଳିଥିଲା। ଜାମିନରେ ବାହାରିଥିଲେ ମଧ୍ୟ ସେ ତା’ର ଆତଙ୍କରାଜ ବନ୍ଦ କରି ନଥିଲା। ସେ ଯେଉଁ ହତ୍ୟା ମାମଲାରେ ଜେଲ ଯାଇଥିଲା, ଉକ୍ତ ଘଟଣାର ଜଣେ ସାକ୍ଷୀଙ୍କୁ ଧମକେଇବା ଆରମ୍ଭ କରିଥିଲା। ଏଥିସହ ସାକ୍ଷୀଙ୍କୁ ମଧ୍ୟ ସେ ହତ୍ୟା କରିବାକୁ ଯୋଜନା କରିଥିଲା।
ସୂଚନାଯୋଗ୍ୟ, ଅନିଲ ଦୁଜାନାଙ୍କ ନାମରେ ଉତ୍ତର ପ୍ରଦେଶ ସମେତ ଅନ୍ୟ ରାଜ୍ୟରେ ପ୍ରାୟ ୫୦ଟି ହତ୍ୟା ମାମଲା ରହିଛି। ଏହା ବ୍ୟତୀତ ନିର୍ଯ୍ୟାତନା ମାମଲା ବି ରହିଛି ଦୁଜାନାଙ୍କ ନାମରେ। ବାଦଲପୁରର ଦୁଜାନା ଗାଁ କେବେ କୁଖ୍ୟାତ ସୁନ୍ଦର ସାଗର ଓରଫ ସୁନ୍ଦର ଡାକୁ ନାମରେ ପରିଚିତ ଥିଲା। ୭୦ ଓ ୮୦ ଦଶକରେ ଦିଲ୍ଲୀରେ ଲୋକେ ସୁନ୍ଦରଙ୍କୁ ଭୟ କରୁଥିଲେ। ସେ ତତ୍କାଳନିନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କୁ ବି ଜୀବନରୁ ମାରି ଦେବାକୁ ଧମକ ଦେଇଥିଲେ। ଏହି ଦୁଜାନା ଗାଁର ବାସିନ୍ଦା ହେଉଛି ଅନିଲ ଦୁଜାନା।
Powered by Froala Editor