ବାହା ହେବନି କହିଲା ବୋଲି ନାବାଳିକାର ଚୁଟି ଘୋଷାଡି ଡରାଇଲା ୪୭ ବର୍ଷୀୟ ବ୍ୟକ୍ତି
ଛତିଶଗଡ଼ ରାଜଧାନୀ ରାୟପୁରର ଗୁଧିୟାରୀ ଅଞ୍ଚଳରେ ଅଘଟଣ ଘଟିଛି। ଜଣେ ନାବାଳିକା ବିବାହ ପ୍ରସ୍ତାବକୁ ପ୍ରତ୍ୟାଖ୍ୟାନ କରିବାରୁ ଜଣେ ବ୍ୟକ୍ତି ତାଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଛନ୍ତି। ସମ୍ପୃକ୍ତ ବ୍ୟକ୍ତି ଜଣକ ନାବାଳିକାଙ୍କ ଚୁଟି ଧରି ରାସ୍ତାରେ ଘୋଷାଡ଼ି ନେଇଛି। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ସ୍ଥାନୀୟ ପୋଲିସ ୪୭ ବର୍ଷୀୟ ଅଭିଯୁକ୍ତ ଓମ୍କାର ତିଓ୍ବାରି ଓରଫ ମନୋଜଙ୍କୁ ଗିରଫ କରି କୋର୍ଟ ଚାଲାଣ କରିଛି।
ସାମ୍ନାକୁ ଆସିଥିବା ଭିଡିଓରେ ଅଭିଯୁକ୍ତ ଓମକାର ତିୱାରୀ ଗୁରୁତର ଆହତ ହୋଇଥିବା ନାବାଳିକାଙ୍କୁ ବିଚ୍ ରାସ୍ତାରେ ଚୁଟି ଧରି ଟାଣି ଟାଣି ନେଉଛନ୍ତି। ଓମକାର ଗୋଟିଏ ହାତରେ ନାବାଳିକାଙ୍କ ଚୁଟି ଧରିଥିବା ବେଳେ ଆଉ ଗୋଟିଏ ହାତରେ ଛୁରୀ ଧରିଥିଲେ। ସମସ୍ତେ ଏହାକୁ ଦେଖୁଥିଲେ ମଧ୍ୟ ଓମକାରଙ୍କ ହାତରେ ଛୁରୀ ଥିବାରୁ ସେମାନେ ପ୍ରତିବାଦ କରି ନଥିଲେ। କିନ୍ତୁ ଘଟଣାର ଭିଡିଓ ସୋଶାଲ ମିଡିଆରେ ଭାଇରାଲ ହେବା ପରେ ପୁଲିସ୍ ତଦନ୍ତ ଆରମ୍ଭ କରିଥିଲା। ୧୬ ବର୍ଷୀୟା ବାଳିକାଙ୍କ ଦେହରେ ବିଭିନ୍ନ ସ୍ଥାନରେ କ୍ଷତଚିହ୍ନ ସୃଷ୍ଟି ହୋଇଛି।
Powered by Froala Editor
