୧୮ ଫେବୃୟାରୀରେ ସଞ୍ଜୟ ଲିଲା ଭଂସାଲିଙ୍କ  ଫିଲ୍ମ 'ହିରାମଣ୍ଡି'ର ଫାଷ୍ଟ ଲୁକ ରିଲିଜ କରାଯାଇଛି । 'ହିରାମଣ୍ଡି'ର କାହାଣୀ ସ୍ୱାଧିନତା ପୂର୍ବରୁ ଚାଲୁଥିବା ବେଶ୍ୟାଳୟର କାହାଣୀ ଉପରେ ଆଧାରିତ । ଫିଲ୍ମରେ ଲଭ ଧୋକା ଦେଖିବାକୁ ମିଳିବ । 'ହିରାମଣ୍ଡିରେ ଅଦିତି ରାୟ ହୈଦରି, ସୋନାକ୍ଷି ସିହ୍ନା, ଋଚା ଚଢା, ସଂଜିଦା ଶେଖ, ମନିଷା କୋଇରାଲା ଏବଂ ଶରମିନ ସହଗଲ ଲିଡ ରୋଲରେ ନଜର ଆସିବେ ।

ତେବେ ଫିଲ୍ମର ବାର୍ତ୍ତାଳପ ବେଳେ ଭଂସାଲିଙ୍କୁ ତାଙ୍କ ଗରମ ମିଜାଜ ବିଷୟରେ ପଚରା ଯାଇଥିଲା । ତାଙ୍କ ସହ କାମ କରିବା ଏତେ ସହଜ କାହିଁକି ନୁହେଁ ବୋଲି ପଚାରିଥିଲେ ସମୀକ୍ଷକମାନେ । ଏହାର ଉତ୍ତରରେ ଭଂସାଲି କହିଛନ୍ତି, ଇଣ୍ଡଷ୍ଟ୍ରିରେ ପାଦ ରଖୁଥିବା ପ୍ରତିଟି କଳାକାରଙ୍କର ସ୍ୱପ୍ନ ଥାଏ ମୋ ସହ କାମ କରିବା । ହେଲେ ଖୁବ୍ କମ ଲୋକଙ୍କ ଭାଗ୍ୟରେ ଏହା ମିଳିଥାଏ । ଯେତେବେଳେ ସେ ଶୁଟରେ ଥାଆନ୍ତି ସେତେବେଳେ ସେ କୌଣସି କମ୍ପରମାଇଜ କରିବାକୁ ରାଜି ହୁଅନ୍ତି ନାହିଁ । ତେଣୁ କୁହାଯାଏ ଭଂସାଲିଙ୍କ ସହ ସବୁ କଳାକାର କାମ କରିବା ଏତେ ସହଜ ନୁହେଁ । 

ଭଂସାଲି କହିଛନ୍ତି, ମୁଁ କୌଣସି ଟାସ୍କ ମାଷ୍ଟର ନୁହେଁ, ହେଲେ ମୋର ଛବିକୁ ଏମିତି କରି ଦିଆଯାଇଛି କି ମୋ ସହ କାମ କରିବା ସରଳ ନୁହେଁ । ଗୋଟିଏ ଫିଲ୍ମ ବହୁତ ପରିଶ୍ରମ, ଫୋକସ, ପ୍ରତିବଦ୍ଧତା ଓ ଦୃଢ ବିଶ୍ୱାସ ପରେ ନିର୍ମାଣ ହୋଇଥାଏ । ମୁଁ ସେମାନଙ୍କୁ ମୋ ଭ୍ୟାନରେ ଯିବାକୁ ଦେଇ ନ ଥାଏ ଯେତେ ପର୍ଯ୍ୟନ୍ତ ସେମାନେ ମୋତେ ସଟ ଦେଇ ନ ଥାଆନ୍ତି । ଏହି ମୁହୂର୍ତ୍ତ କେବଳ ମୋ ପାଇଁ ନୁହେଁ ସେମାନଙ୍କ ପାଇଁ ବି ମୂଲ୍ୟବାନ, ଯାହା ସମସ୍ତଙ୍କ ପରିଶ୍ରମ ପରେ ଆସିଥାଏ । 

Powered by Froala Editor