ଦିଲ୍ଲୀ ମଦ ଦୁର୍ନୀତି ମାମଲାରେ ୱାଇଏସ୍‌ଆର୍‌ସିପି ସାଂସଦ ମଙ୍ଗୁଟା ଶ୍ରୀନିବାସୁଲୁ ରେଡ୍ଡୀଙ୍କ ପୁତ୍ର ମଙ୍ଗୁଟା ରାଘବଙ୍କୁ ପ୍ରବର୍ତ୍ତନା ନିର୍ଦ୍ଦେଶାଳୟ(ଇଡି) ଗିରଫ କରିଛି। ମଙ୍ଗୁଟା ରାଘବଙ୍କୁ ଗିରଫ କରିଥିବା କଥା ଆଜି ସରକାରୀ ଅଧିକାରୀମାନେ କହିଛନ୍ତି। ଦି

ଗତ ସେପ୍ଟେମ୍ବର ମାସରେ ଇଡି ଚେନ୍ନାଇର ଟି. ନଗରସ୍ଥିତ ଗୋଟାଏ ଅଡିଟ୍‌ ଫାର୍ମରେ ଚଢ଼ାଉ କରିଥିଲା। ଉକ୍ତ ଫାର୍ମ ‘ୱାଇଏସ୍‌ଆର୍‌ସିପି’ର ସାଂସଦ ଶ୍ରୀନିବାସୁଲୁ ରେଡ୍ଡୀଙ୍କ ସହିତ ସମ୍ପୃକ୍ତ ଥିବା ସନ୍ଦେହ କରାଯାଇଥିଲା। ପୂର୍ବରୁ ତେଲେଙ୍ଗାନାର ମୁଖ୍ୟମନ୍ତ୍ରୀ କେସିଆର୍‌ଙ୍କ ଝିଅ କେ. କବିତାଙ୍କ ପୂର୍ବତନ ଅଡିଟର୍‌ ବୁଟ୍‌ଚିବାବୁ ଗୋରାନ୍ତ୍‌ଲାଙ୍କୁ ସିବିଆଇ ଗିରଫ କରିଥିଲା। ଏହା ପରେ ଶୁକ୍ରବାର ମଙ୍ଗୁଟା ରାଘବଙ୍କୁ ଗିରଫ କରାଯାଇଛି। ଜାତୀୟ ରାଜଧାନୀରେ ମଦ ବ୍ୟବସାୟ ସଂକ୍ରାନ୍ତରେ ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍‌ ମଙ୍ଗୁଟା ଶ୍ରୀନିବାସୁଲୁ ରେଡ୍ଡୀଙ୍କୁ ଭେଟିଥିଲେ ବୋଲି ‘ପ୍ରବର୍ତ୍ତନ ନିର୍ଦେଶାଳୟ’ ମଧ୍ୟ ଉଲ୍ଲେଖ କରିଛି।

ଏବେ ସୁଦ୍ଧା ଏହି ମାମଲାରେ ପ୍ରବର୍ତ୍ତନ ନିର୍ଦେଶାଳୟ ଦୁଇଟି ଚାର୍ଜସିଟ୍‌ ଦାଖଲ କରି ସମୁଦାୟ ୯ଜଣ ବ୍ୟକ୍ତିଙ୍କୁ ଗିରଫ କରିଛି। ଏହି ମାମଲାରେ ‘ସିବିଆଇ’ ଦାଏର କରିଥିବା ‘ଏଫ୍‌ଆଇଆର୍‌’ରୁ ଆର୍ଥିକ ଦୁର୍ନୀତିର ଖିଅ ମିଳିଥିଲା।

Powered by Froala Editor