ଦିନକେ କରୋନା ନେଲା ୨୬ ଜୀବନ
ଭୁବନେଶ୍ୱର : ରାଜ୍ୟରେ ଗତ ୨୪ ଘଂଟା ମଧ୍ୟରେ ୨୬ ଜଣ କରୋନା ସଂକ୍ରମିତ ପ୍ରାଣ ହରାଇଛନ୍ତି । ଫଳରେ ରାଜ୍ୟର ମୋଟ କରୋନା ଜନିତ ମୃତୁ୍ୟ ସଂଖ୍ୟା ୨୪୫୬ରେ ପହଁଚିଛି ।
ସୂଚନା ଓ ଲୋକସମ୍ପର୍କ ବିଭାଗର ସୂଚନା ଅନୁଯାୟୀ, ବରଗଡରେ ୧, ବଲାଙ୍ଗୀରରେ ୧, ଗଜପତିରେ ୧, ଝାରସୁଗୁଡାରେ ୧, କଳାହାଣ୍ଡିରେ ୨, ଖୋର୍ଦ୍ଧାରେ ୪, କୋରାପୁଟରେ ୪, ନବରଙ୍ଗପୁରରେ ୧, ନୂଆପଡାରେ ୩, ପୁରୀରେ ୧, ରାୟଗଡାରେ ୩, ସୁବର୍ଣ୍ଣପୁରରେ ୧ ଓ ସୁନ୍ଦରଗଡରେ ୩ ଜଣ ସଂକ୍ରମିତ ମୃତୁ୍ୟବରଣ କରିଛନ୍ତି ।
ରାଜ୍ୟରେ ଆଉ ୧୧୧୦୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ କ୍ୱାରେଂଟାଇନରେ ୬୨୧୯ ଜଣ ଥିବାବେଳେ ସ୍ଥାନୀୟ ସଂସ୍ପର୍ଶରେ ଆସି ୪୮୮୯ ଜଣ ସଂକ୍ରମିତ ହୋଇଛନ୍ତି । ଏଯାବତ ରାଜ୍ୟରେ ୬ ଲକ୍ଷ ୭୯ ହଜାର ୫୩୦ କରୋନା ସଂକ୍ରମିତ ଚିହ୍ନଟ ହୋଇଥିବାବେଳେ ସେମାନଙ୍କ ମଧ୍ୟରୁ ୫ ଲକ୍ଷ ୬୭ ହଜାର ୩୮୨ ଜଣ ସୁସ୍ଥ ହୋଇଛନ୍ତି । ଅପରପକ୍ଷରେ ୧ ଲକ୍ଷ ୯ ହଜାର ୬୩୯ ଜଣ ରୋଗୀ ଚିକିତ୍ସିତ ହେଉଛନ୍ତି ।
Powered by Froala Editor
