ବସ୍ ଧକ୍କାରେ ଚାଲିଗଲା ୪ ଜୀବନ
ନୂଆଦିଲ୍ଲୀ : ଗ୍ରେଟର ନୋଏଡାରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ବସ୍ ଧକ୍କାରେ ୪ ଜଣଙ୍କର ଜୀବନ ଚାଲିଯାଇଛି। ଏହାସହ ୩ ଜଣ ଆହତ ହୋଇଛନ୍ତି। ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନାନୁଯାୟୀ, ଏକ ବସ୍ ରାସ୍ତା ପାର୍ କରୁଥିବା ଏକ କମ୍ପାନୀର କର୍ମଚାରୀଙ୍କୁ ଧକ୍କା ଦେଇଥିଲା। ଏଥିରେ ୪ କର୍ମଚାରୀଙ୍କ ମୃତ୍ୟୁ ହୋଇଥିବା ବେଳେ କିଛି ଆହତ ହୋଇଥିଲେ। ବାଦଲପୁର କୋତବାଲୀ ଅଞ୍ଚଳରେ ଜିଟି ରୋଡ ସ୍ଥିତ ଏକ କମ୍ପାନୀ ସାମ୍ନାରେ ରାସ୍ତା ପାର୍ କରୁଥିବା ଏହି କର୍ମଚାରୀଙ୍କୁ ବସ୍ ଧକ୍କା ଦେଇଥିଲା। ଖବର ପାଇବା ମାତ୍ରେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି। ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଥିବା ଜଣାପଡିଛି। ରାତି ପ୍ରାୟ ସାଢେ ୧୧ଟା ସମୟରେ କମ୍ପାନୀ କାମ ସାରି ଉକ୍ତ କର୍ମଚାରୀମାନେ ରାସ୍ତାପାର କରି ଯାଉଥିବା ସମୟରେ ଡାହାଣ ପଟୁ ନୋଏଡା ଆଡକୁ ଯାଉଥିବା ବସ ଏମାନଙ୍କୁ ଧକ୍କା ଦେବାରୁ ଏହି ଦୁର୍ଘଟଣା ଘଟିଥିଲା।
Powered by Froala Editor
