ହ୍ୱାଇଟ ଫଙ୍ଗସ ଅଧିକ ଘାତକ
ନୂଆଦିଲ୍ଲୀ: କଳା କବକ (ବ୍ଲାକ ଫଙ୍ଗସ) ପରେ ଏବେ ଧଳା କବକ (ହ୍ୱାଇଟ ଫଙ୍ଗସ) ନାମରେ ନୂଆ କବକ ସଂକ୍ରମଣ ଦେଖାଯାଇଛି । ଏହି କବକ ସଂକ୍ରମିତଙ୍କ ଠାରେ କରୋନା ସଂକ୍ରମଣର ଲକ୍ଷଣ ପ୍ରକାଶ ପାଇଥାଏ । ମାତ୍ର ସେମାନଙ୍କ କରୋନା ନମୁନା ପରୀକ୍ଷା ନେଗେଟିଭ ରହିଥାଏ । ବିହାରରେ ଧଳା କବକ ସଂକ୍ରମିତ ୪ ଜଣ ରୋଗୀ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ଜଣେ ହେଉଛନ୍ତି ଡାକ୍ତର । ସମସ୍ତଙ୍କ ଠାରେ କରୋନା ଲକ୍ଷଣ ଥିଲେ ମଧ୍ୟ ପରୀକ୍ଷା ରିପୋର୍ଟ ନେଗେଟିଭ ରହିଛି । କବକ ନିରୋଧୀ ଔଷଧ ପରେ ସମସ୍ତେ ସୁସ୍ଥ ଅଛନ୍ତି । ଧଳା କବକ ସଂକ୍ରମଣକୁ କଳା କବକ ସଂକ୍ରମଣ ଠାରୁ ଅଧିକ ଘାତକ ବୋଲି ପାଟନା ଭେଷଜ ମହାବିଦ୍ୟାଳୟ ଓ ଚିକିତ୍ସାଳୟରେ ଜୀବାଣୁ ବିଜ୍ଞାନ ମୁଖ୍ୟ ଡାକ୍ତର ଏସଏନ ସିଂହ କହିଛନ୍ତି । ଧଳା କବକ ସଂକ୍ରମିତଙ୍କର ଫୁସଫୁସ ସଂକ୍ରମଣ ହୋଇଥାଏ । ଯାହା କରୋନା ସଂକ୍ରମଣର ଅନୁରୂପ ।
Powered by Froala Editor
