ରାହୁଲ ଓ ଆଥିୟାଙ୍କ ଗିଫ୍ଟ ମୂଲ୍ୟ କେତେ ? ଅନ୍ସ୍କ୍ରିନ୍ରେ ମୁହାଁମୁହିଁ ପାକିସ୍ତାନୀ ଆଙ୍କର
କ୍ରିକେଟର କେଏଲ ରାହୁଲ ଓ ଆଥିୟା ଶେଟ୍ଟୀଙ୍କ ଦାମୀ ଗିଫ୍ଟକୁ ନେଇ ପାକିସ୍ତାନର ୨ ନ୍ୟୁଜ ଆଙ୍କର ମୁହାଁମୁହିଁ ହୋଇଛନ୍ତି। ଭିଡିଓରେ ଏକ ନ୍ୟୁଜ ରୁମ୍ରେ ଜଣେ ମହିଳା ଓ ଜଣେ ପୁରୁଷ ଆଙ୍କର ଥିବା ବେଳେ ସେମାନେ କେଏଲ ରାହୁଲ ଓ ଆଥିୟାଙ୍କୁ ବିବାହରେ ମିଳିଥିବା ଗିଫ୍ଟର ତାଲିକା ସମ୍ପର୍କରେ ନିଜ ଦର୍ଶକଙ୍କୁ ଅବଗତ କରିଛନ୍ତି।
ମହିଳା ଆଙ୍କର ସୂଚନା ମୁତାବକ, ସୁନୀଲ ଶେଟ୍ଟୀଶେଟ୍ଟୀ ଝିଅକୁ ବିବାହ ସମୟରେ ୫ କୋଟିର ଏକ ଫ୍ଲାଟ୍ ଗିଫ୍ଟ ଆକାରରେ ଦେଇଛନ୍ତି। ହେଲେ ପୁରୁଷ ଆଙ୍କର ଜଣକ ତାହାର ଦାମ୍ ୫ କୋଟି ନୁହେଁ, ୫୦ କୋଟି ବୋଲି ସୂଚନା ଦେଇଛନ୍ତି। ପୁରୁଷ ଆଙ୍କରଜଣକ କହିଛନ୍ତି, ସଲମାନ ଖାନ ନିଜ ପୁରୁଣା ବନ୍ଧୁ ସୁନୀଲ ଶେଟ୍ଟୀଙ୍କ ଝିଅଙ୍କୁ ଏକ ଦାମୀ କାର୍ ଉପହାରରେ ଦେଇଛନ୍ତି। ଉକ୍ତ କାର୍ର ଦାମ୍ ୬୪ ଲକ୍ଷ ବୋଲି ମହିଳା ଆଙ୍କର କହୁଥିବା ବେଳେ ପୁରୁଷ ଆଙ୍କର କିନ୍ତୁ ତାହାର ଦାମ ୧ କୋଟି ୬୪ ଲକ୍ଷ ବୋଲି କହିଛନ୍ତି। ଏହାର ଭିଡିଓ ଏବେ ସୋଶାଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।
କେଏଲ ରାହୁଲ ଓ ଆଥିୟା ଶେଟ୍ଟୀ ସୁନୀଲ ଶେଟ୍ଟୀଙ୍କ ଖଣ୍ଡାଲାସ୍ଥିତ ଫାର୍ମ ହାଉସରେ ଗତ ୨୩ ତାରିଖରେ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଏହି ଅବସରରେ ବଲିଉଡର ବହୁ ସେଲିବ୍ରିଟି ଯୋଗ ଦେଇଥିବା ବେଳେ ଏହି କପଲ୍ଙ୍କୁ ଦାମୀ ଦାମୀ ଗିଫ୍ଟ ଭେଟି ଦେଇଥିଲେ। ଏହାର ତାଲିକା ପାକିସ୍ତାନର ଏକ ନ୍ୟୁଜ ଶୋ’ରେ ଦେଖିବାକୁ ମିଳିଛି।
Powered by Froala Editor
