ନୂଆଦିଲ୍ଲୀ: ମହିଳାଙ୍କ ହାତରେ ଦେଶ । ଦେଶର ସାର୍ବଭୌମତ୍ୱ ହସ୍ତାନ୍ତର କରାଯାଇଛି ଦେଶର ପ୍ରଥମ ନାଗରୀକ ରାଷ୍ଟ୍ରପତିଙ୍କୁ । ଭାରତବର୍ଷର ରାଷ୍ଟ୍ରମୁଖ୍ୟ ମାନନୀୟା ଶ୍ରୀମତୀ ଦୌପଦୀ ମୁର୍ମୁ । ଆଜି ପବିତ୍ର ସାଧାରଣତନ୍ତ୍ର ଦିବସ ଉପଲକ୍ଷେ ଦିଲ୍ଲୀରେ ଜାତୀୟ ପତାକା ଉତ୍ତୋଳନ କରିଛନ୍ତି ରାଷ୍ଟ୍ରପତି ଦୌପଦୀ ମୁର୍ମୁ ।

ଅନ୍ୟପକ୍ଷରେ, ଆଉ ଏକ ଉଦାହରଣ ସୃଷ୍ଟି କରିଛନ୍ତି ମହିଳା । ଭାରତୀୟ ସେନାବାହିନୀର ମହିଳା ଅଧିକାରୀମାନେ ନିଜ ନେତୃତ୍ୱ ନେବାର ବଳିଷ୍ଠ ଦକ୍ଷତା ପ୍ରଦର୍ଶନ କରିଆସୁଛନ୍ତି । ଭାରତ ସରକାର ମଧ୍ୟ ମହିଳା ଅଧିକାରୀଙ୍କ ଲାଗି ସେନାବାହିନୀରେ ଅନେକ ନୂଆ ସୁଯୋଗ ଉନ୍ମୁକ୍ତ କରିଛନ୍ତି । ଏଥର କର୍ତ୍ତବ୍ୟ ପଥରେ ଅନୁଷ୍ଠିତ ହେଉଥିବା ୭୪ତମ ସାଧାରଣତନ୍ତ୍ର ଦିବସ ପରେଡ଼ରେ ଅନେକ ମହିଳା ଅଧିକାରୀ ନିଜ ନିଜ ସାମରିକ ଦଳର ନେତୃତ୍ୱ ନେଉଛନ୍ତି । ସେମାନଙ୍କ ମଧ୍ୟରେ ଅଛନ୍ତି ନୌବାହିନୀର ଏଆର୍ ଅପରେସନସ ଅଧିକାରୀ ଲେ ଫୁଟନାଣ୍ଟ କମାଣ୍ଡର ଦିଶା ଅମୃତ ଯିଏ ୧୪୪ ଜଣିଆ ନୌବାହିନୀ ଦଳର ନେତୃତ୍ୱ ନେବେ ।

ଏବର୍ଷ ପ୍ରଥମ ଥର ପାଇଁ ସୀମା ସୁରକ୍ଷା ବଳ ଅଧୀନସ୍ଥ ଓଟ ବାହିନୀ ଦଳରେ ମହିଳା ଅଧିକାରୀମାନେ ସାମିଲ ହୋଇଛନ୍ତି । ଏହାସହିତ ୧୭ଟି ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ଓ ୬ଟି ବିଭିନ୍ନ ମନ୍ତ୍ରାଳୟର  । ଚଳିତବର୍ଷ ସ୍ୱଦେଶୀର ସନେ୍ଦଶ ଦେବ ସ୍ଥଳସେନା  । ଦିଲ୍ଲୀ କର୍ତ୍ତବ୍ୟପଥରେ ଚାଲିବ କେ-୯ ବଜ୍ର ହୋୱିଜର, ଏମ୍ବିଟି ଅର୍ଜୁନ, ନାଗ ଆଣ୍ଟି ଟ୍ୟାଙ୍କ ଗାଇଡେଡ ମିସାଇଲ, ବ୍ରହ୍ମୋସ ସୁପରସୋନିକ କ୍ରୁସ ମିସାଇଲ, ଆକାଶ ଏୟାର ଡିଫେନ୍ସ ଏବଂ ଏପରିକି ୨୧ ବନ୍ଧୁକର ତୋପ ସଲାମୀ ମଧ୍ୟ ଭାରତରେ ନିର୍ମିତ ବନ୍ଧୁକରୁ ଦିଆଯିବ  । ସାଧାରଣତନ୍ତ୍ର ଦିବସ ପାଇଁ ଦିଲ୍ଲୀରେ ସୁରକ୍ଷା କଡାକଡି ହୋଇଛି । ଦିଲ୍ଲୀରେ ପାଖାପାଖି ୨୭ ହଜାରରୁ ଅଧିକ ସୁରକ୍ଷାକର୍ମୀ ମୁତୟନ ହୋଇଛନ୍ତି  ।

ମହିଳାମାନେ ପ୍ରମାଣ କରିଛନ୍ତି ଯେ, ଏବେ ଦେଶର ଭାଗ୍ୟଡୋର ମହିଳାଙ୍କ ହାତରେ । ପୁରୁଷ କେନ୍ଦ୍ରିକ ଦେଶରେ ମହିଳାଙ୍କ ହାତରେ ରହିଛି ଦେଶର ଭାଗ୍ୟ । ପ୍ରତି କ୍ଷେତ୍ରରେ ମହିଳା ମାନେ ନିଜକୁ ପ୍ରମାଣିତ କରିସାରିଛନ୍ତି । ଏଥିପାଇଁ ଦେଶର ପ୍ରତିଟି ନାଗରୀକଙ୍କର ଗୌରବରେ ଛାତି ଫୁଲିଉଠୁଛି । 

Powered by Froala Editor