ସ୍ୱାମୀ କଲେ ଦ୍ୱିତୀୟ ବିବାହ : ଦୁଇ ଛୁଆଙ୍କୁ ଧରି ଆତ୍ମହତ୍ୟା କଲା ପ୍ରଥମ ସ୍ତ୍ରୀ : Odisha News Lens 3.2

ପତ୍ନୀ ଓ ଦୁଇ ପିଲାଙ୍କୁ ପର କରି ଆଉ ଜଣେ ମହିଳାଙ୍କ ହାତ ଧରିଦେଲେ ସ୍ୱାମୀ । ପ୍ରଥମ ସ୍ତ୍ରୀକୁ ଅତ୍ୟାଚାର କରିବା ସହ ଖାଇବାକୁ ବି ଦେଲେନି । ଶେଷରେ ହାରାଶ ହୋଇ ପତ୍ନୀ ଚରମ ନିଷ୍ପତ୍ତି ନେଇଗଲେ । ଦୁଇ ପିଲାଙ୍କ ସହ ନିଜକୁ ଫାଶି ଲଗାଇଦେଲେ । ହେଲେ ସୌଭାଗ୍ୟବଶତଃ ଗୋଟିଏ ଛୁଆ ବଞ୍ଚିଯାଇଛି । ଆତ୍ମହତ୍ୟା କରିଥିବା ମହିଳା ଜଣକ ହେଲେ ଶାନ୍ତି ଦେବୀ(୨୮)।

ମହିଳାର ସ୍ୱାମୀ ଗତ ବର୍ଷ ଅନ୍ୟ ଜଣେ ମହିଳାଙ୍କୁ ବିବାହ କରିଥିଲେ। ଦ୍ୱିତୀୟ ବିବାହ କରିଥିବା ସ୍ୱାମୀ ପ୍ରଥମ ପତ୍ନୀଙ୍କୁ ଅକଥନୀୟ ନିର୍ଯାତନା ଦେଉଥିଲେ। ଘର ଚଳିବା ପାଇଁ ପଇସାପତ୍ର ଦେଉନଥିବାରୁ ଦୁଇ ପିଲାଙ୍କୁ ନେଇ ବଞ୍ଚିବା ମୁସ୍କିଲ ହୋଇ ପଡ଼ିଥିଲା। ଶୁକ୍ରବାର ତାଙ୍କ ସ୍ୱାମୀ ନଥିଲା ବେଳେ ଦୁଇ ଛୁଆଙ୍କ ବେକରେ ରସି ବାନ୍ଧି ନିଜକୁ ବାନ୍ଧି ଝୁଲି ପଡ଼ିଥିଲେ। ହେଲେ ସୌଭାଗ୍ୟବସତଃ ଜଣେ ପିଲା ବଞ୍ଚିଯାଇଛି। ପୁଲିସ ଘଟଣାର ତଦନ୍ତ ଆରମ୍ଭ କରିଛି।

ଏ ସମ୍ପର୍କରେ ମଣ୍ଟୁ ପୁଲିସ ଷ୍ଟେସନ ଅଧିକାରୀ କମଲେଶ କୁମାର ସୂଚନା ଦେଇଛନ୍ତି। ଦୁଇ ପୁଅଙ୍କ ସହ ମହିଳା ଜଣକ ଝୁଲୁଥିବା ଦେଖାଯାଇଥିଲା। ସ୍ଥାନୀୟ ଲୋକେ ଖବର ପାଇ ୩ ଜଣଙ୍କୁ ଉଦ୍ଧାର କରିଥିଲେ। ତେବେ ସେମାନଙ୍କ ମଧ୍ୟରୁ ଜଣେ ଛୋଟ ପୁଅଟି ବଞ୍ଚିଯାଇଛି।