ଦିଲ୍ଲୀର ବିବେକ ବିହାରର ଏକ ଫ୍ଲାଟରେ ଭୟଙ୍କର ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡ ଯୋଗୁ ପୋଡ଼ିଯିବା ଏବଂ ଧୂଆଁ ଶ୍ୱାସରୁଦ୍ଧ ହେବା ଯୋଗୁ ନଅ ଜଣ ପ୍ରାଣ ହରାଇଥିଲେ। ଅଗ୍ନିଶମ କର୍ମଚାରୀମାନେ କୋଠାରୁ ୧୫ ଜଣଙ୍କୁ ସୁରକ୍ଷିତ ଭାବରେ ଉଦ୍ଧାର କରିଥିଲେ। ସୂଚନା ପାଇ ତୁରନ୍ତ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ପରେ ମୃତାହତଙ୍କ ସଂଖ୍ୟା ବଢିପାରେ ବୋଲି ଅନୁମାନ କରାଯାଉଛି ।

ଶାହଦରା ଜିଲାର ଡେପୁଟି ପୋଲିସ କମିଶନର (ଡିସିପି) ରାଜେନ୍ଦ୍ର ପ୍ରସାଦ ମୀନା କହିଛନ୍ତି, ‘ଆଜି ସକାଳେ ଆମେ ଅଗ୍ନିକାଣ୍ଡ ବିଷୟରେ ସୂଚନା ପାଇଥିଲୁ। ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳକୁ ପହଞ୍ଚି ନିଆଁକୁ ନିୟନ୍ତ୍ରଣ କରିବା ପାଇଁ କାର୍ଯ୍ୟ ଆରମ୍ଭ କରିଥିଲା।’ ସେ ଆହୁରି ମଧ୍ୟ କହିଛନ୍ତି, ‘ଆମେ ଘଟଣାସ୍ଥଳରୁ ନଅଟି ମୃତଦେହ ଉଦ୍ଧାର କରିଛୁ। ସନ୍ଧାନ ଅଭିଯାନ ଏବେ ବି ଜାରି ରହିଛି।’

ରବିବାର ପ୍ରାୟ ୩ଟା୪୮ ସମୟରେ, ବିବେକ ବିହାର ପୋଲିସ ଷ୍ଟେଶନକୁ ଅଗ୍ନିକାଣ୍ଡ ଘଟଣାର ରିପୋର୍ଟ କରୁଥିବା ଏକ ପିସିଆର କଲ ମିଳିଥିଲା। ବିବେକ ବିହାରର ଏସଏଚଓ ଏବଂ ଏସିପି ସମେତ ପୋଲିସ କର୍ମଚାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ।

ସୂଚନାନୁଯାୟୀ, ଫ୍ଲାଟର ଦ୍ବିତୀୟ ମହଲାରେ ଅଗ୍ନିକାଣ୍ଡ ଘଟିଥିଲା । ଫଳରେ ନିଆଁ ତୃତୀୟ ମହଲାକୁ ବ୍ୟାପି ଯାଇଥିଲା । ଲୋକମାନେ ନିଜକୁ ବଞ୍ଚାଇବାକୁ ଫ୍ଲାଟ ଭିତରୁ ବାହାରି ଦୌଡିଥିଲେ । ଏହି ଅଗ୍ନିକାଣ୍ଡ ଏସି ବିସ୍ଫୋରଣ ଯୋଗୁଁ ହୋଇଥିବା ତଦନ୍ତରୁ ଜଣାପଡିଛି।

Powered by Froala Editor