କଂଗ୍ରେସରୁ ଇସ୍ତଫା ଦେଲେ ମନପ୍ରୀତ ବାଦଲ
ପଞ୍ଜାବର ପୂର୍ବତନ ଅର୍ଥମନ୍ତ୍ରୀ ମନପ୍ରୀତ ବାଦଲ କଂଗ୍ରେସରୁ ଇସ୍ତଫା ଦେଇଛନ୍ତି। କଂଗ୍ରେସରୁ ଇସ୍ତଫା ଦେବା ପରେ ବାଦଲ ଦିଲ୍ଲୀର ବିଜେପି ମୁଖ୍ୟାଳୟରେ ପହଞ୍ଚି ବିଜେପିରେ ସାମିଲ ହୋଇଥିବା ଜଣାପଡ଼ିଛି। ୨୦୨୨ ବିଧାନସଭା ନିର୍ବାଚନରେ କଂଗ୍ରେସ ପରାସ୍ତ ହେବା ପରେ ମନପ୍ରୀତ ଦଳରେ କୋଣଠେସା ହୋଇ ରହିଥିଲେ। ଏଥିପାଇଁ ସେ ଦଳ ଛାଡ଼ୁଥିବା ରାହୁଲ ଗାନ୍ଧିଙ୍କୁ ପଠାଇଥିବା ଇସ୍ତଫାପତ୍ରରେ ଉଲ୍ଲେଖ କରିଛନ୍ତି।
ବିଜେପି ହେଉଛି ମନପ୍ରୀତଙ୍କ ୪ର୍ଥ ଦଳ। ସେ ୨୭ ବର୍ଷ ହେଲା ରାଜନୀତି ମୈଦାନରେ ରହିଛନ୍ତି। ସେ ପ୍ରଥମେ ୧୯୯୫ରେ ଅକାଳୀ ଦଳ ସହ ମିଶି ରାଜନୀତି ଆରମ୍ଭ କରିଥିଲେ। ୨୦୧୦ରେ ସେ ପିପୁଲ୍ସ ପାର୍ଟି ଅଫ ପଞ୍ଜାବ ଗଠନ କରିଥିଲେ।
୨୦୧୪ ସାଧାରଣ ନିର୍ବାଚନ ବେଳେ ସେ କଂଗ୍ରେସରେ ଯୋଗ ଦେଇଥିଲେ। ଏହାପରେ ପଞ୍ଜାବ ବିଧାନସଭା ନିର୍ବାଚନରେ ଜିତି ଅର୍ଥମନ୍ତ୍ରୀ ହୋଇଥିଲେ। ତେବେ ୨୦୨୨ ବିଧାନସଭା ନିର୍ବାଚନରେ ସେ ଭାତିଣ୍ଡା ଅର୍ବାନ ବିଧାନସଭା ଆସନରୁ ହାରିଥିଲେ। ଏବେ ସେ କଂଗ୍ରେସ ଛାଡ଼ି ବିଜେପିରେ ଯୋଗ ଦେଇଛନ୍ତି।
Powered by Froala Editor
