ପ୍ରାଣୀପ୍ରେମୀଙ୍କୁ ସମ୍ମାନ ଜଣାଇ ବୁଲେଟ ଚଳାଇଲେ ରାହୁଲ
ବୁଲେଟ ଚଲାଇ ଫ୍ୟାନଙ୍କୁ ବୋଲ୍ଡ କଲେ ରାହୁଲ ଗାନ୍ଧୀ । ମଧ୍ୟପ୍ରଦେଶର ମହୂରେ ‘ଭାରତ ଯୋଡ଼ୋ ଯାତ୍ରା’ ବେଳେ କଂଗ୍ରେସ ସାଂସଦ ରାହୁଲ୍ ଗାନ୍ଧୀ ‘ରୟାଲ୍ ଏନ୍ଫିଲ୍ଡ୍ ବୁଲେଟ୍’ ଚଳାଇ ଯୁବବର୍ଗଙ୍କୁ ଚମତ୍କୃତ କରିପକାଇଛନ୍ତି।
ସୂଚନା ଅନୁସାରେ, ମୋଟର୍ସାଇକେଲ୍ରେ ସେମାନଙ୍କ କୁକୁର ‘ମାର୍ବେଲ୍’କୁ ନେଇ ଦୁଇଜଣ ପ୍ରାଣୀପ୍ରେମୀ ରାହୁଲ୍ଙ୍କ ରାଲି ପଛେ ପଛେ ଆସୁଥିଲେ। ସେ ଦୁଇଜଣଙ୍କ ପ୍ରତି ସମ୍ମାନ ଜଣାଇ ରାହୁଲ୍ ନିଜେ ମୋଟର୍ସାଇଲେ୍ ଚଳାଇଥିଲେ। ରାହୁଲ୍ ଗାନ୍ଧୀ ରାସ୍ତାରେ ବିଛାଯାଇଥିବା ନୀଳ ରଙ୍ଗର ଗାଲିଚା ଉପରେ ବୁଲେଟ୍ ଚଳାଇଥିଲେ। ରାହୁଲ୍ ଗାନ୍ଧୀ ସେମାନଙ୍କର ୧୦ ମାସର ଜର୍ମାନ୍ ସେଫର୍ଡ କୁକୁର ‘ମାର୍ବେଲ୍’ ସହିତ ଉଠାଇଥିବା ଫଟୋ ମଧ୍ୟ କଂଗ୍ରେସ ପାର୍ଟି ପୋଷ୍ଟ୍ କରିଛି ।
ବୁଲା କୁକୁରଙ୍କ ତତ୍ତ୍ବାବଧାନ ନିମନ୍ତେ କାର୍ଯ୍ୟ କରୁଥିବା ଗ୍ବାଲିୟର୍ର ସିଭିଲ୍ ଇଞ୍ଜିନିୟର୍ ରଜତ କହିଛନ୍ତି, ରାହୁଲ୍ ଗାନ୍ଧୀଙ୍କୁ ଭେଟବା ପରେ ତାଙ୍କ ପ୍ରତି ଥିବା ମୋର ମନୋଭାବ ବଦଳି ଯାଇଛି। ସେ ଜଣେ ପ୍ରାଣୀପ୍ରେମୀ ବୋଲି ଜାଣିଥିଲି, ତେଣୁ ତାଙ୍କୁ ଭେଟି ରାସ୍ତାରେ ମରୁଥିବା ପ୍ରାଣୀଙ୍କ ବିଷୟରେ ଆଲୋଚନା କରିବାକୁ ଚାହୁଁଥିଲି।
Powered by Froala Editor
