କୁହାଯାଏ, ମହିଳା ଟିଏ ବା ମା’ ଟିଏ ହେଉଛି ଘରର ସର୍ବେସର୍ବା । ଘରର ସମସ୍ତ ଦାୟିତ୍ୱ ତାଙ୍କ ହାତରେ ନ୍ୟସ୍ତ ଥାଏ । ଘରେ ଓ ବାହାରେ ସମସ୍ତଙ୍କର ଯନô ନେବାକୁ ସେମାନେ ନିଜର କର୍ତ୍ତବ୍ୟ ଭାବନ୍ତି । ମହିଳା ମାନେ ହେଉଛନ୍ତି ପ୍ରତି ଟି ଘରର ଗୋଟିଏ ଗୋଟିଏ ଲକ୍ଷ୍ମୀ । ତେଣୁ ସକାଳେ ସ୍ତ୍ରୀ ଲୋକଙ୍କୁ କିଛି ବିଶେଷ କାର୍ଯ୍ୟ କରିବାକୁ କୁହାଯାଇଛି । ଯାହା ମହିଳାଙ୍କୁ ଜରୁର କରିବାକୁ କୁହାଯାଇଛି । କୁହାଯାଏ ଏହାଦ୍ୱାରା ମା’ ଲକ୍ଷ୍ମୀ ସର୍ବଦା ଘର ପରିବାର ଉପରେ କୃପା ବର୍ଷା କରିଥାନ୍ତି ।

ଶାସ୍ତ୍ର ଅନୁଯାୟୀ, ଏମିତିରେ ସମସ୍ତଙ୍କୁ ସୂର୍ଯ୍ୟ ଉଦୟ ପୂର୍ବରୁ ଉଠିବା ଫଳଦାୟୀ ହୋଇଥାଏ । ହେଲେ ଘରର ମହିଳାମାନେ ଏମିତି କରିବା ଫଳରେ ଶୁଭ ଫଳ ପ୍ରଦାନ କରିଥାଏ । ବ୍ରାହ୍ମ ମୂହୁର୍ତ୍ତରୁ ଉଠିବା ଦ୍ୱାରା ବ୍ୟକ୍ତିକ ସୁନ୍ଦରତା, ଲକ୍ଷ୍ମୀ, ପ୍ରଖର ବୁଦ୍ଧି ଓ ସ୍ୱାସ୍ଥ୍ୟ ଲାଭ ମିଳିଥାଏ ।

ପରିବାର କଲ୍ୟାଣ ଓ ସମାଜ ବିକାଶ ପାଇଁ ଜଣେ ସ୍ତ୍ରୀଙ୍କର ସ୍ୱାସ୍ଥ୍ୟ ଭଲ ରହିବା ଜରୁରୀ । ଏହା ସମ୍ଭବ ହୋଇଥାଏ ପ୍ରାଣାୟାମ ଯୋଗୁ । ତେଣୁ ସକାଳୁ ଉଠି କିଛି ସମୟ ବ୍ୟାୟାମ ଓ ପ୍ରାଣାୟମ ଜରୁର କରନ୍ତୁ । ଏହାଦ୍ୱାରା ମାନସିକ ଓ ଶାରିରୀକ ସ୍ଥିତି ମଜବୁତ ହୋଇଥାଏ ।

ସୂର୍ଯ୍ୟ ଉଦୟ ପୂର୍ବରୁ ସ୍ନାନ କରିବା ମହିଳାଙ୍କ ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ । ସକାଳ ସମୟରେ ମସ୍ତିସ୍କ ଅଧିକ କ୍ଷମତାର ସହ ସକରାତ୍ମକ ବିଚାର ଗ୍ରହଣ କରିଥାଏ । ସ୍ନାନ କରିବା ପରେ ଶରୀର ସହ ମନ ମଧ୍ୟ ଶୁଦ୍ଧି ହୋଇଥାଏ ।

ଯେଉଁଠାରେ ପ୍ରତିଦିନ ତୁଳସୀଙ୍କ ପୂଜା ହୁଏ, ସେଠାରେ ସୁଖ ସମୃଦ୍ଧି ଓ ସୌଭାଗ୍ୟ ଲାଗି ରହିଥାଏ । ବିଶେଷକରି ମହିଳାମାନେ ସବୁଦିନ ତୁଳସୀଙ୍କୁ ପୂଜା କରିବା ସହ ଜଳ ଅର୍ପଣ କରନ୍ତୁ । ଏହାଦ୍ୱାରା ଧନର ଅଭାବ କେବେ ହେବ ନାହିଁ ।

ପୁରାଣ ଅନୁସାରେ ଗାଇଙ୍କ ସେବା କରିବା ଦ୍ୱାରା କୁଣ୍ଡଳୀର କୌଣସି ବି ଦୋଷ ଦୂର ହୋଇପାରେ । ମହିଳାମାନେ ପ୍ରତିଦିନ ପ୍ରଥମ ରୁଟି ଗାଇଙ୍କ ପାଇଁ ବାହାର କରନ୍ତୁ । ଗୋ ସେବା ଦ୍ୱାରା ୩୩ କୋଟି ଦେବାଦେବୀଙ୍କ ଆଶିର୍ବାଦ ମିଳିଥାଏ ।

ଶାସ୍ତ୍ର ଅନୁସାରେ ସ୍ନାନ ପରେ ହିଁ ମହିଳାଙ୍କୁ ରୋଷେଇ ଘରେ ପ୍ରବେଶ କରିବା ଉଚିତ୍‌ । ଏହାଦ୍ୱାରା ଦେବୀ ଅନ୍ନପୂର୍ଣ୍ଣା ଓ ଲକ୍ଷ୍ମୀଙ୍କ ବାସ ହୋଇଥାଏ ।

Powered by Froala Editor