ଦୁଇ ବାଇକ୍କୁ ଘୋଷାଡି ନେଲା କାର୍, ରାସ୍ତାରେ ଉଡ଼ିଲା ନିଆଁଖଣ୍ଡ
ଏମିତି ଦୁର୍ଘଟଣା । ଯାହାକି ଛାତି ଥରାଇଦେବ । ନଭେମ୍ୱର ୩ ତାରିଖ ରାତି ୧୧ଟା ସମୟରେ ଉତ୍ତରପ୍ରଦେଶର ଗାଜିଆବାଦ ନିକଟରେ ଦୁଇ ବାଇକକୁ ଏକ କାର୍ ଧକ୍କା ଦେଇଥିଲା । କାରଟି ଏତେ ଦ୍ରୁତବେଗରେ ଗତି କରୁଥିଲା ଯେ ଦୁଇ ବାଇକକୁ ପ୍ରାୟ ୧ କିଲୋମିଟର ଉପରେ ଘୋଷାଡ଼ି ନେଇଥିଲା । କାରଟି ଦ୍ରୁତଗତିରେ ଘୋଷାଡ଼ି ନେବା ସମୟରେ ଏଥିରୁ ନିଆଁଖଣ୍ଡ ବାହାରିଥିଲା । ସେଠାରେ ଥିବା କିଛି ବାଇକ୍ ଆରୋହୀ କାରଟିର ପଛ କରି ଗାଡ଼ି ଅଟକାଇ ଗାଡ଼ି ଚାବି ଦେବାକୁ କହିବା ପରେ ମଧ୍ୟ କାର୍ ଚାଳକ କୌଣସି କଥା ନ ଶୁଣି ଆହୁରି ଦ୍ରୁତବେଗରେ ଧାଉଁଥିଲା । ଏସବୁ ଘଟଣାକୁ ମୋବାଇଲରେ ରେକର୍ଡ କରିଥିଲେ ବାଇକ୍ ଆରୋହୀ ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଘଟଣାଟି ଇନ୍ଦୁପୁରମ ଅଞ୍ଚଳର ହୋଇଥିବା ବେଳେ ଭିଡିଓଟିକୁ ଗାଜିଆବାଦ ପୋଲିସ ଟୁଇଟରରେ ପୋଷ୍ଟ କରିଥିବା ଜଣାପଡ଼ିଛି । ବାଇକ ଚାଳକ ସୁରକ୍ଷିତ ଥିବାବେଳେ କାରଟିକୁ ରଦ୍ଧ କରିବା ସହ କାର ଚାଳକକୁ ଗିରଫ କରିଥିବା ପୋଲିସ ସୂଚନା ଦେଇଛି ।
Powered by Froala Editor
