ଟ୍ୱିଟରରେ ଜବ କଟ୍ ଆରମ୍ଭ : ୨୦୦ କର୍ମଚାରୀଙ୍କ ଆକ୍ସେସ୍ ପ୍ରତ୍ୟାହାର
ଟ୍ୱିଟରର ନୂଆ ମାଲିକ ଏଲନ ମସ୍କଙ୍କ ଆଦେଶରେ କମ୍ପାନୀ ତାର ଗ୍ଲୋବାଲ ଜବ କଟ୍ ଆରମ୍ଭ କରିଛି। ଆଜିଠାରୁ କର୍ମଚାରୀଙ୍କ ଛଟେଇ ଆରମ୍ଭ ହୋଇଛି। କର୍ମଚାରୀଙ୍କୁ ମେଲ୍ ଜରିଆରେ ଏନେଇ ସୂଚନା ଦିଆଯିବ। କର୍ମଚାରୀଙ୍କୁ ଛଟେଇ କରି ମସ୍କ କମ୍ପାନୀର ୮୨ ଆରବ ଟଙ୍କା ବଞ୍ଚାଇବାକୁ ଚାହୁଁଛନ୍ତି। ଏନେଇ କମ୍ପାନୀର ଏକ ଭିତିରିଆ ମେଲ୍ରୁ ଜଣାପଡିଛି।
ଏଥିରେ ଭାରତୀୟ କର୍ମଚାରୀ ମଧ୍ୟ ଛଟେଇ ହେଲେଣି। ଭାରତରେ ଏହି ଛଟେଇ ଏବେ ଆରମ୍ଭ ହୋଇଯାଇଥିବା ବେଳେ ଶୁକ୍ରବାର ୨୦୦ କର୍ମଚାରୀଙ୍କୁ ବାହାର ଆକ୍ସେସ୍ ଫେରସ୍ତ ନେଇଛି। କର୍ମଚାରୀମାନେ ବିଳମ୍ବିତ ଅପରାହ୍ନରେ ଲଗଇନ୍ କରିବା ବେଳେ ସେମାନଙ୍କ ଆକ୍ସେସ୍ ପ୍ରତ୍ୟାହାର କରି ନିଆଯାଇଥିବା ଜାଣିବାକୁ ପାଇଛନ୍ତି।
କେବଳ ସେତିକି ନୁହେଁ ବଡ ଧରଣର ଛଟେଇ ଯୋଗୁ ଟ୍ୱିଟର୍ ଅସ୍ଥାୟୀ ରୂପେ ଅଫିସକୁ ବନ୍ଦ କରିବ। ଏହାପୂର୍ବରୁ ଟୁଇଟରକୁ ୪୪ ବିଲିୟନ ଡଲାରରେ ମସ୍କ କିଣିବା କ୍ଷଣି ଟୁଇଟରର ସର୍ବୋଚ ପୋଷ୍ଟରେ ଥିବା କିଛି ଅଧିକାରୀଙ୍କୁ ନିଲମ୍ବିତ କରିଥିଲେ। ୨୦୨୧ ସୁଦ୍ଧା ଟୁଇଟରରେ ସାଢେ ୭ ହଜାର କର୍ମଚାରୀ ଥିଲେ। ସେଥରୁ ପାଖାପାଖି ୩ ହଜାର ୭୦୦ କର୍ମଚାରୀଙ୍କୁ ଛଟେଇ କରାଯିବା ନେଇ ସୂଚନା ମିଳିଛି।
Powered by Froala Editor
