ପ୍ରଥମ ମରାଠୀ ଫିଲ୍ମ କରିବେ ଅକ୍ଷୟ, ଛତ୍ରପତି ଶିବାଜୀଙ୍କ ଭୂମିକାରେ ନଜର ଆସିବେ
ଅକ୍ଷୟ କୁମାର ତାଙ୍କର ପ୍ରଥମ ମରାଠୀ ଚଳଚ୍ଚିତ୍ର ବିଷୟରେ ଘୋଷଣା କରିଛନ୍ତି। ନିର୍ଦ୍ଦେଶକ ମହେଶ ମଞ୍ଜରେକରଙ୍କ ‘ବେଡାତ ମରାଠେ ବୀର ଦୌଲାତ୍ ସାତ୍’ ସହିତ ମରାଠୀ ଡେବ୍ୟୁ କରିବାକୁ ଅକ୍ଷୟ ପ୍ରସ୍ତୁତ ଅଛନ୍ତି। ଏହି ଚଳଚ୍ଚିତ୍ରରେ ଅକ୍ଷୟ କୁମାର ଛତ୍ରପତି ଶିବାଜୀ ମହାରାଜଙ୍କ ଐତିହାସିକ ଭୂମିକାରେ ନଜର ଆସିବେ। ନିକଟରେ ଫିଲ୍ମର ଏକ ଇଭେଣ୍ଟ ଆୟୋଜିତ ହୋଇଥିଲା। ଯେଉଁଥିରେ ସଲମାନ ଖାନ ମଧ୍ୟ ନଜର ଆସିଥିଲେ। ଗଣମାଧ୍ୟମର ରିପୋର୍ଟ ଅନୁଯାୟୀ, ଫିଲ୍ମଟି ୨୦୨୩ ଦୀପାବଳିରେ ରିଲିଜ ହୋଇପାରେ । କିନ୍ତୁ ଏନେଇ କୌଣସି ଅଫିସିଆଲ୍ ଘୋଷଣା ହୋଇନାହିଁ ।
ଅକ୍ଷୟ କହିଛନ୍ତି, ‘ମୋ ପାଇଁ ଏହା ଏକ ସ୍ଵପ୍ନ ସାକାର ହେବା ପରି। ବଡ଼ ପରଦାରେ ଛତ୍ରପତି ଶିବାଜୀ ମହାରାଜଙ୍କ ଚରିତ୍ରକୁ ଚିତ୍ରଣ ଏବଂ ଅଭିନୟ କରିବା ବହୁତ ବଡ କଥା। ‘ବେଡାତ ମରାଠେ ବୀର ଦୌଲାତ୍ ସାତ୍’ରେ କେବଳ ଛତ୍ରପତି ଶିବାଜୀ ମହାରାଜ ନୁହଁନ୍ତି, ସାତଜଣ ମରାଠି ହିରୋଙ୍କ କାହାଣୀ ପରଦାରେ ପ୍ରଦର୍ଶିତ ହେବ। ତେବେ ଏହି ଫିଲ୍ମ ପାଇଁ ସେ ବହୁତ ଉତ୍ସାହିତ ଅଛନ୍ତି ବୋଲି କହିଛନ୍ତି ।
Powered by Froala Editor
