ଇମ୍ରାନ ଖାନଙ୍କ ଉପରକୁ ଗୁଳିମାଡ଼ ହୋଇଥିବା ସୂଚନା ମିଳିଛି। ପାକିସ୍ତାନର ୱଜିରାବାଦ ଆଲ୍ଲାହ ହୋ ଚୌକ ନିକଟରେ ଇମ୍ରାନଙ୍କ ନେତୃତ୍ୱରେ ଚାଲିଥିବା ଶୋଭାଯାତ୍ରା ଉପରକୁ ଏହି ଗୁଳିମାଡ କରାଯାଇଛି। ଇମ୍ରାନଙ୍କ ଉପରକୁ ୩-୪ ରାଉଣ୍ଡ ଗୁଳି ଚଳାଯାଇଥିବା ବେଳେ ତାଙ୍କ ଗୋଡ଼ରେ ଗୁଳି ବାଜିଛି। ଏଥିରେ ଇମ୍ରାନଙ୍କ ସମେତ ୯ ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରେ ସିନେଟର ଫୈଜଲ ଜାଭେଦ ଓ ଅହମଦ ଚଥା ଅଛନ୍ତି।

ସେହିପରି ଜଣେ ପ୍ରାଣ ହରାଇଥିବା ମଧ୍ୟ କୁହାଯାଉଛି। ହେଲେ ମୃତ୍ୟୁ ସମ୍ପର୍କରେ ପ୍ରଶାସନ ପକ୍ଷରୁ କିଛି ବି କୁହାଯାଇନି। କେବଳ ଗଣମାଧ୍ୟମରେ ଏ ସମ୍ପର୍କରେ ଖବର ପ୍ରକାଶ ପାଇଛି। ଇମ୍ରାନ ଖାନ ଗୋଟିଏ କଣ୍ଟେନରରେ ବସି ଆଜି ପଞ୍ଜାବର ପ୍ରଦେଶର ଗୁରଜନୱାଲାରେ ରାଲି କରୁଥିବା ବେଳେ ଜଣେ ଯୁବକ ତାଙ୍କୁ ଗୁଳିମାଡ଼ କରିଥିଲେ।

ଗୁଳିମାଡ଼ କରିଥିବା ଯୁବକକୁ ଗିରଫ କରାଯାଇଥିବା ସୂଚନା ମିଳିଛି। ଇମ୍ରାନ ଖାନ୍ ଲୋକଙ୍କୁ ଭୂଆଁ ବୁଲାଇଥିବାର ମୁଁ ତାଙ୍କୁ ହତ୍ୟା କରିବାକୁ ଯୋଜନା କରୁଥିଲି ବୋଲି କହିଥିଲା ଅପରାଧୀ। ହେଲେ ଏହି ହତ୍ୟା ଘଟଣା ପଛରେ ଆଉ କାହାର ହାତ ଥିଲା କି ନାହିଁ ସେ ନେଇ ଅପରାଧି ପୁଲିସ ଆଗରେ ସୂଚନା ଦେଇଛି। ଏହି ଭିଡିଓକୁ ଟ୍ୱିଟ୍ କରି ସୂଚନା ଦେଇଛନ୍ତି ପାକିସ୍ତାନର ବିଦେଶମନ୍ତ୍ରୀ ବିଲାୱଲ ଭୁଟ୍ଟୋ ଜରଦାରୀଙ୍କ ପୂର୍ବତନ ମିଡିଆ ଉପଦେଷ୍ଟା ଉମର କ୍ୟୁରେସୀ। ଇମ୍ରାନ ଖାନ ଗୁରୁତର ଆହତ ହୋଇଥିଲେ ବି ସେ ବର୍ତ୍ତମାନ ବିପଦମୁକ୍ତ ଥିବା ସୂଚନା ମିଳିଛି।

Powered by Froala Editor