କଂଜରଭେଟିଭ ପାର୍ଟିର ଋଷି ସୁନକ ପରବର୍ତ୍ତୀ ବ୍ରିଟିଶ ପ୍ରଧାନମନ୍ତ୍ରୀ ପଦ ପାଇଁ ନିଜର ପ୍ରାର୍ଥୀତ୍ବ  ଘୋଷଣା କରିଛନ୍ତି । ପ୍ରଧାନମନ୍ତ୍ରୀ ହେଲେ ଦେଶର ଅର୍ଥନୀତିକୁ ସଜାଡ଼ିବେ ବୋଲି ସେ ପ୍ରତିଶ୍ରୁତି ଦେଇଛନ୍ତି ।

ସୁନକ ଟ୍ୱିଟ୍ କରି ଲେଖିଛନ୍ତି ଯେ, ୟୁକେ ହେଉଛି ଏକ ମହାନ ଦେଶ। କିନ୍ତୁ ଆମେ ଆର୍ଥିକ ସଙ୍କଟରେ ସମ୍ମୁଖୀନ ହୋଇଛୁ। ତେଣୁ ମୁଁ କଂଜରଭେଟିଭ ପାର୍ଟି ପକ୍ଷରୁ ଆପଣଙ୍କର ପରବର୍ତ୍ତୀ ପ୍ରଧାନମନ୍ତ୍ରୀ ଭାବେ ନେତା ହିସାବରେ ଛିଡ଼ା ହୋଇଛି। ଦେଶର ଆର୍ଥିକ ସମସ୍ୟାର ସମାଧାନ ପାଇଁ ମୁଁ ଚାହେଁ। ଆମଦଳକୁ ଏକାଠି କରି ଦେଶ ହିତରେ ସମର୍ପିବାକୁ ମୋର ଲକ୍ଷ ବୋଲି ସେ କହିଛନ୍ତି। ଗତ ସେପ୍ଟେମ୍ବରରେ ବୋରିସ ଜନସନ୍‌ ପ୍ରଧାନମନ୍ତ୍ରୀ ପଦରୁ ଓହରିବା ପରେ ନିର୍ବାଚନ ହୋଇଥିଲା। ଏଥିରେ ଲିଂଜ୍‌ ଟ୍ରସ୍‌ଙ୍କ ଠାରୁ ଋଷି ସୁନକ ପରାସ୍ତ ହୋଇଥିଲା। ମାତ୍ର ଆର୍ଥିକ ସଂକଟକୁ ନେଇ ଟ୍ରସ ମାତ୍ର ୪୫ ଦିନ ପରେ ଇସ୍ତଫା ଦେବା ପରେ ପୁଣି ଖାଲି ହୋଇଯାଇଛି ପ୍ରଧାନମନ୍ତ୍ରୀ ପଦ । କିନ୍ତୁ ଏଥର ଦୌଡ଼ରେ ଅଛନ୍ତି ପୂର୍ବତନ ପ୍ରଧାନମନ୍ତ୍ରୀ ବୋରିସ ଜନସନ ।

ଯେଉଁ ପ୍ରାର୍ଥୀଙ୍କ ସପକ୍ଷରେ ୧୦୦ ଜଣ ଏମପି ପ୍ରସ୍ଥାବକ ଭାବେ ସମର୍ଥନ କରିବେ ସେହି ହେବେ ଦେଶର ପ୍ରଧାନମନ୍ତ୍ରୀ। ସୋମବାର ଅର୍ଥାତ ଆସନ୍ତାକାଲି ଫଳାଫଳ ଘୋଷଣା ହେବ। ଅନ୍ୟପଟେ ପୂର୍ବତନ ପ୍ରଧାନମନ୍ତ୍ରୀ ବୋରିସ ଜନସନ ଓ ଋଷି ସୁନକଙ୍କ ପଛରେ ୧୦୦ ଜଣ ଏମପିଙ୍କ ସମର୍ଥନ ଥିବା ଉଭୟ ଦାବି କରିଛନ୍ତି।

Powered by Froala Editor