ଦିଲ୍ଲୀରେ ବାଣ ଫୁଟାଇଲେ ୬ ମାସର ଜେଲ
![ଦିଲ୍ଲୀରେ ବାଣ ଫୁଟାଇଲେ ୬ ମାସର ଜେଲ](https://odishanewslens.com/news_gallery/17015_1666207672.jpg)
ଦୀପାବଳିରେ ଦିଲ୍ଲୀରେ ବାଣ ଫୁଟାଇଲେ ୬ ମାସର ଜେଲ୍ ସହ ୨୦୦ ଟଙ୍କା ଜରିମାନା ଦେବାକୁ ପଡ଼ିପାରେ। ଏନେଇ ବୁଧବାର ଦିଲ୍ଳୀ ପରିବେଶ ସଚିବ ଗୋପାଳ ରାୟ ଘୋଷଣା କରିଛନ୍ତି।
ପୂର୍ବରୁ ହିଁ ଦିଲ୍ଲୀରେ ବାଣ ଫୁଟାଇବା ନେଇ ସରକାର ବ୍ୟାନ୍ ଲଗାଇଛନ୍ତି। ଏବେ ଆଉ ଏକ ନୂଆ ନିର୍ଦ୍ଦେଶନାମା ଜାରି କରି ବାଣ ଫୁଟାଇଲେ ବ୍ୟକ୍ତିଙ୍କୁ ୨୦୦ ଟଙ୍କା ଜରିମାନା ସହ ୬ ମାସ ଜେଲ ଦଣ୍ଡ ଭୋଗିବାକୁ ପଡିବ ବୋଲି କୁହାଯାଇଛି। ଦିଲ୍ଲୀ ପରିବେଶ ମନ୍ତ୍ରୀ ଗୋପାଳ ରାୟ ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।
ଖାଲି ସେତିକି ନୁହେଁ ବିସ୍ଫୋରକ ଆକ୍ଟ ୯ ବି ଅନୁଯାୟୀ, ବାଣ ତିଆରି କରିବା, ଗଚ୍ଛିତ ରଖିବା ଏବଂ ବିକ୍ରି କରିବା ଉପରେ ୫ ହଜାର ଟଙ୍କା ଜରିମାନା ସହ ତିନି ବର୍ଷର ଜେଲ୍ ଦଣ୍ଡ ହେବ। ରାୟ କହିଛନ୍ତି ବାଣ ନଫୁଟାଇ ଦୀପ ଜଳାଇବା ପାଇଁ ଏକ ଜନସଚେତନତା କାର୍ଯ୍ୟକ୍ରମ ଅକ୍ଟୋବର ୨୧ ରେ ଲଞ୍ଚ କରାଯିବ। କନ୍ଗଟ ପ୍ଳେସରେ ଶୁକ୍ରବାର ଦିଲ୍ଲୀ ସରକାର ଏହି ଅବସରରେ ୫୧ ହଜାର ଦୀପ ପ୍ରଜ୍ବଳିତ କରିବେ । ରାୟଙ୍କ ଅନୁଯାୟୀ , ୪୦୮ ସ୍କ୍ବାଡ ନିୟାଜିତ ରହିବେ । ରାଜସ୍ବ ବିଭାଗ ୧୬୫ ଟିମ୍, ଦିଲ୍ଲୀ ପ୍ରଦୂଷଣ ନିୟନ୍ତ୍ରଣ କମିଟିର ୩୩ ଟିମ୍ ଏବଂ ଦିଲ୍ଳୀ ପୋଲିସ୍ ୨୧୦ ଟିମ୍ ନିୟୋଜିତ ରହିବେ ।
Powered by Froala Editor