ସ୍ପେନ ଖବରକାଗଜ ଆର୍ଟିକିଲ୍କୁ ନେଇ ବିବାଦ
ଭାରତୀୟ ଅର୍ଥନୀତିକୁ ନେଇ ସ୍ପେନର ଏକ ଖବରକାଗଜରେ ପ୍ରକାଶିତ ଆର୍ଟିକିଲ୍କୁ ନେଇ ବିବାଦ ଦେଖାଦେଇଛି। ଅକ୍ଟୋବର ୯ ତାରିଖରେ ଏହି ଆର୍ଟିକିଲ୍ ପ୍ରକାଶ ପାଇଥିଲା। ସ୍ପେନର ସାପ୍ତାହିକ ଖବରକାଗଜ ‘La Vanguardia’ର ପ୍ରଥମ ପୃଷ୍ଠାରେ ଭାରତର ବଢ଼ୁଥିବା ଅର୍ଥନୀତି ବିଷୟରେ ଖବର ପ୍ରକାଶ ପାଇଥିଲା। ତେବେ ଏଥିରେ ଭାରତର ଅର୍ଥନୀତି ଅଭିବୃଦ୍ଧିକୁ ଜଣେ ବୀଣା ବଜାଉଥିବା ସାପୁଆ ଆକରରେ ଚିତ୍ରିତ କରି ଦର୍ଶାଯାଇଥିଲା। ଆଉ ଏହାର ହେଡ୍ଲାଇନ୍ରେ ‘ଭାରତୀୟ ଅର୍ଥନୀତିର ସମୟ’ ଲେଖାଯାଇଥିଲା। ତେବେ ଏହାକୁ ନେଇ ଏବେ ବିବାଦ ଉପୁଜିଛି । ବିଜେପି ସାଂସଦଙ୍କ ଠାରୁ ଆରମ୍ଭ କରି ଅନେକ ଲୋକେ ଏହାକୁ ବିରୋଧ କରିଛନ୍ତି।
ବାଙ୍ଗାଲୋର ସେଣ୍ଟ୍ରାଲରୁ ଭାଜପା ଏମ୍ପି ଥିବା ପି.ସି ମୋହନ ଆର୍ଟିକିଲ୍କୁ ଶେୟାର କରି କଡ଼ା ଭତ୍ସନା କରିଛନ୍ତି। ଭାରତ ଯେଉଁଠାରେ ମଜଭୂତ ଅର୍ଥବ୍ୟବସ୍ଥାକୁ ନେଇ ବିଶ୍ୱ ଦରବାରରେ ପରିଚିତ ହେଉଛି, ଏଭଳି ସମୟରେ ସ୍ବାଧୀନତା ମିଳିବାର ଦଶନ୍ଧୀ ପରେ ଏଭଳି ଭାବେ ଏକ ସାପୁଆକେଳା ସହ ଭାରତର ଫଟୋ ଦେଖାଇବା ମୁର୍ଖାମୀ। ବିଦେଶୀ ଚିନ୍ତାଧାରାକୁ ବଦଳାଇବା ବହୁତ କଷ୍ଟକର ବୋଲି ସେ କହିଛନ୍ତି।
Zerodhaର ସିଇଓ ନୀତିନ କାମତ ମଧ୍ୟ ଟ୍ୱିଟି୍ କରି କହିଛନ୍ତି, ‘ଏହା ଏକ ଭଲ କଥା ଯେ ଭାରତୀୟ ଅର୍ଥନୀତି ପ୍ରତି ବିଶ୍ୱ ଧ୍ୟାନ ଦେଉଛି, କିନ୍ତୁ ସାପୁଆ କେଳା କାର୍ଟୁନ୍ ମାଧ୍ୟମରେ ଭାରତକୁ ଦେଖାଇବା ଅପମାନଜନକ।’
Powered by Froala Editor
