ଲୋନ୍ ଦେଲାନି ବ୍ୟାଙ୍କ୍, ରାଇଫଲ ନେଇ ପହଞ୍ଚିଲେ ସନ୍ୟାସୀ
ତାମିଲନାଡୁର ଥିରୁଭରୁର୍ ଅଞ୍ଚଳରେ ଲୋନ୍ ନମିଳିବାରୁ ଜଣେ ସନ୍ୟାସୀ ବ୍ୟାଙ୍କରେ ରାଇଫଲ ନେଇ ପହଞ୍ଚିଛନ୍ତି । ଖାଲି ଏତିକି ନୁହେଁ ବ୍ୟାଙ୍କରେ ଲୁଟ୍ କରିବାକୁ ଧମକ ବି ଦେଇଛନ୍ତି । ସେ ଚାଇନାରେ ମେଡିସିନ୍ ଡ୍ରିଗ୍ରି ପାଇଁ ପାଠ ପଢୁଥିବା ତାଙ୍କ ଝିଅ ପାଇଁ ଏକ ବେସରକାରୀ ବ୍ୟାଙ୍କ୍ରେ ଋଣ ଆବେଦନ କରିଥିଲେ। ମାତ୍ର ବ୍ୟାଙ୍କ୍ ଋଣ ନଦେବାରୁ ସେ ଏପରି କରିଥିବା ସୂଚନା ରହିଛି।
ସନ୍ୟାସୀ ଜଣକ ହେଉଛନ୍ତି ଥରୁମଲାଇ ସାମି। ସେ ଥିରୁଭରୁର୍ ଜିଲ୍ଲାର ମୁଲଙ୍ଗୁଡ଼ି ଗ୍ରାମରେ ଇଡି-ମିନାଲ୍ ସଙ୍ଗମମ୍ଙ୍କୁ ଚଳାନ୍ତି।
ସନ୍ୟାସୀ ଜଣକ ବ୍ୟାଙ୍କ୍ରେ ଋଣ ଆବେଦନ କରିବାରୁ ବ୍ୟାଙ୍କ୍ ତାଙ୍କୁ ବନ୍ଧକ ରଖିବା ପାଇଁ ତାଙ୍କ ସଂପତ୍ତିର କାଗଜପତ୍ର ମାଗିଥିଲା। ମାତ୍ର ଏହାକୁ ବିରୋଧ କରି ସନ୍ୟାସୀ ଜଣକ କହିଥିଲେ କି ସେ ଯେତେବେଳେ ସୁଦ୍ଧ ସହ ଟଙ୍କା ଫେରସ୍ତ କରିବେ ବୋଲି କହୁଛନ୍ତି ତ ବ୍ୟାଙ୍କ୍ ତାଙ୍କୁ କାହିଁକି ସଂପତ୍ତିର କାଗଜପତ୍ର ମାଗୁଛି। ବହୁ ଯୁକ୍ତିତର୍କ ପରେ ବ୍ୟାଙ୍କ୍ ଅଧିକାରୀ ତାଙ୍କୁ ଫେରିଯିବାକୁ କହିଥିଲେ। ସନ୍ୟାସୀ ଜଣକ ତା’ପରେ ଏକ ରାଇଫଲ୍ ଧରି ବ୍ୟାଙ୍କ୍ ଭିତରେ ପଶି ଲୁଟ୍ କରିବାକୁ ଧମକ ଦେଇଥିଲେ। ରାଇଫଲ ନେଇ ପହଞ୍ଚିଥିବାବେଳେ ଏହି ସନ୍ୟାସୀ ଜଣଙ୍କୁ ଫେସ୍ବୁକ୍ ଲାଇଭ୍ରେ ଦେଖିବାକୁ ମିଳିଥିଲା।
Powered by Froala Editor
