ମାଆ ହେବାକୁ ଯାଉଛନ୍ତି ବଲିଉଡ ବିୟୁଟି ବିପାଶା ବାସୁ । ବଲିଉଡର ଷ୍ଟାର୍‌ ଦମ୍ପତି ବିପାଶା ବାସୁ ଓ ତାଙ୍କ ସ୍ୱାମୀ କରଣ ସିଂହ ଗ୍ରୋଭର ଫଟୋ ଶେଆର କରି ଖୋଦ୍‌ ଏହି ଗୁଡ୍‌ ନ୍ୟୁଜ୍‌ ଦେଇଛନ୍ତି। ଏହି ଖବର ସେ ନିଜେ ଅଫିସିଆଲ କରିଛନ୍ତି । ଏବେ ବିପାଶା ତାଙ୍କ ପ୍ରେଗ୍ନେସିକୁ ଏନଜୟ କରୁଛନ୍ତି । ବର୍ତ୍ତମାନ ବିପାଶା ଶେଷ ଟ୍ରେମିଷ୍ଟରରେ ଅଛନ୍ତି । ଆଉ ଏହାରି ଭିତରେ ବିପାଶ ବେବି ବମ୍ପ ସହ ଗ୍ଲାମରସ ଫଟୋ ଶୁଟ କରିଛନ୍ତି । ଏହି ଫଟୋଶୁଟରେ ତାଙ୍କ ସହ ତାଙ୍କ ସ୍ୱାମୀ ତଥା ଅଭିନେତା କରଣ ସିଂହ ଗ୍ରୋଭର ନଜର ଆସିଛନ୍ତି ।

ଏହି ଫଟୋକୁ ଶେଆର କରି ବିପାଶା ଏକ ସୁନ୍ଦର ନୋଟ୍‌ ମଧ୍ୟ ଲେଖିଛନ୍ତି। ‘ଏକ ନୂଆ ସମୟ, ନୂଆ ଫେଜ…ଏକ ନୂଆ ଆଲୋକ ଆମ ସହ ଯୋଡ଼ି ହେବାକୁ ଯାଉଛି। ଏହା ପୂର୍ବାପେକ୍ଷା ଆମକୁ ଅଧିକ ସମ୍ପୂର୍ଣ୍ଣ କରୁଛି।’ ଆଗକୁ ମଜାଳିଆ ଢଙ୍ଗରା ବିପାଶା ଲେଖିଛନ୍ତି, ‘କେବଳ ଦୁଇ ଜଣଙ୍କ ପାଇଁ ଏତିକି ଭଲପାଇବା ଢେର ଅଧିକା। ଏଥିପାଇଁ ଖୁବଶୀଘ୍ର ଆମେ ଦୁଇରୁ ତିନି ହେବାକୁ ଯାଉଛୁ। ଆମ ଛୁଆ ଖୁବଶୀଘ୍ର ଆମକୁ ଜଏନ୍‌ କରିବ।’

ବିପାଶାଙ୍କ ଏହି ଗୁଡ ନ୍ୟୁଜ୍‌ ଶୁଣିବା ପରେ ତାଙ୍କ ଫ୍ୟାନ୍‌ମାନେ ଅତ୍ୟନ୍ତ ଖୁସି ହୋଇଯାଇଛନ୍ତି। ବିପାଶା ଶେଆର କରିଥିବା ଫଟୋକୁ କିଛି ମିନିଟ୍‌ ମଧ୍ୟରେ ହିଁ ହଜାର ହଜାର ଲୋକ ଲାଇକ୍ କରିବା ସହ କମେଣ୍ଟ ମଧ୍ୟ ଦେଇଛନ୍ତି।

ଫଟୋରେ ବିପାଶା ଏକ ଓଭର ସାଇଜ୍ ଶାର୍ଟ ପିନ୍ଧିଥିବା ବେଳେ ଏହାର ଗୋଟିଏ ବଟନ ଲଗାଯାଇଛି ଆଉ ତାଙ୍କ ବେବି ବମ୍ପ ସ୍ପଷ୍ଟ ନଜର ଆସୁଛି । ଆଉ ଏକ ଫଟୋରେ ସ୍ୱାମୀ କରଣ ସିଂ ଗ୍ରୋଭର ବିପାଶାଙ୍କ ବେବି ବମ୍ପକୁ ଧରି କିସ୍ କରୁଥିବା ଦେଖାଯାଇଛି ।

Powered by Froala Editor