ଆମେରିକା ସଂସଦର ବାଚସ୍ପତି ନାନ୍ସି ପେଲୋସି ତାଇୱାନ ଗସ୍ତ କରିଥିବାରୁ ଏହାର ରାଗ ଶୁଝାଇବା ପାଇଁ ସୀମା ଲଙ୍ଘୁଛି ବେଜିଂ। ଗୁରୁବାର ଠାରୁ ତାଇୱାନ ସୀମାର ବିଭିନ୍ନ ସ୍ଥାନରେ ସମରାଭ୍ୟାସ କରିବା ସହ ଚାଇନା ପକ୍ଷରୁ ମିସାଇଲ ମାଡ଼ କରାଯାଉଛି। ତେବେ ଚାଇନା ମାଡ଼ କରିଥିବା କିଛି ମିସାଇଲ ଜାପାନର ସ୍ୱତନ୍ତ୍ର ଅର୍ଥନୀତିକ ଜୋନରେ ମାଡ଼ ହୋଇଥିବା ଖବର ସାମ୍ନାକୁ ଆସିଛି।

ତାଇୱାନ୍‌ର ରକ୍ଷାମନ୍ତ୍ରାଳୟ ଏକ ସଂକ୍ଷିପ୍ତ ବୟାନରେ କହିଛି ଯେ ଚୀନ୍‌ର କମ୍ୟୁନିଟି ପାର୍ଟି ଆଜି ଦ୍ୱିପ୍ରହର ୧.୫୬ ସମୟରେ ଦକ୍ଷିଣ-ପଶ୍ଚିମ ତାଇୱାନ୍‌ ପାଖାପାଖି ଅଞ୍ଚଳରେ ଡୋଙ୍ଗଫେଙ୍ଗ ସିରିଜର କିଛି ବାଲିଷ୍ଟିକ୍ କ୍ଷେପଣାସ୍ତ୍ର ମାଡ଼ କରିଛି । ଅନ୍ୟପଟେ ଚୀନ୍‌ର ପୂର୍ବତନ ଥିଏଟର୍‌ କମାଣ୍ଡ ଏନେଇ କହିଛି ଯେ ଏହାର ନିୟୋଜିତ ସେନା ଅଭ୍ୟାସ ସମୟରେ ଗୁରୁବାର ତାଇୱାନ୍‌ ପୂର୍ବତଟ ପାଣିରେ ପାରମ୍ପରିକ ମିଶାଇଲ୍‌ର କେତେକ ଫାୟାରିଂ ସମ୍ପୂର୍ଣ୍ଣ କରିଛି । ଥିଏଟର୍‌ର ଜଣେ ପ୍ରବକ୍ତା ବୟାନରେ କହିଛନ୍ତି ଗୁଳିଗୋଳା ଅଭ୍ୟାସ ସମ୍ପୂର୍ଣ୍ଣ ହେବା ପରେ ସମ୍ୱନ୍ଧିତ ସମୁଦ୍ର କ୍ଷେତ୍ରରୁ ନିୟନ୍ତ୍ରଣ ହଟାଇ ନିଆଯାଇଛି ।

ଅନ୍ୟପଟେ ଚୀନ୍‌ର ବୈଦେଶିକ ମନ୍ତ୍ରାଳୟ କହିଛି ଯେ କମ୍ୱୋଡ଼ିଆରେ ଏସିଆନ୍‌ କାର୍ଯ୍ୟକର୍ମକୁ ନେଇ ଜାପାନ୍‌ ସହ ଆୟୋଜିତ ବୈଠକରେ ଚୀନ୍‌ ବୈଦେଶିକ ମନ୍ତ୍ରୀ ୱାଙ୍‌ ୟି ଯୋଗ ଦେବେ ନାହିଁ । ଏହି ବୈଠକକୁ ବାତିଲ୍‌ କରାଯାଇଛି ।