ପାତ୍ରା ଚୌଲ ଜମି ଦୁର୍ନୀତି ଘଟଣାରେ ସଞ୍ଜୟ ରାଉତଙ୍କ ପତ୍ନୀ ବର୍ଷାଙ୍କୁ ସମନ
ପାତ୍ରା ଚାଲ୍ ଜମି ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ଏବେ ଶିବସେନା ସାଂସଦ ସଞ୍ଜୟ ରାଉତଙ୍କ ପତ୍ନୀ ବର୍ଷା ରାଉତଙ୍କୁ ସମନ ଜାରି କରିଛି। ବର୍ଷା ରାଉତଙ୍କ ଖାତାରେ ନେଣଦେଣର ସୂଚନା ମିଳିବା ପରେ ସମନ ଜାରି କରାଯାଇଥିବା ଇଡି ଅଧିକାରୀ କହିଛନ୍ତି। ତେବେ ତାଙ୍କୁ କେବେ ହାଜର ହେବାକୁ କୁହାଯାଇଛି, ସେକଥା ବର୍ତ୍ତମାନ ଜଣାପଡ଼ିନି। ଇଡି ନୋଟିସ ସାମ୍ନାକୁ ଆସିଲେ ବର୍ଷାଙ୍କ ହାଜର ହେବା ତାରିଖ ଓ ସମୟ ଜଣାପଡ଼ିବ।
ଏହି ଜମି ଦୁର୍ନୀତି ଘଟଣାରେ ବର୍ଷା ସାମିଲ ଥିବା ପୂର୍ବରୁ ଅନେକ ଥର ଇଡି କହି ସାରିଛି। ଏଥିପାଇଁ ତାଙ୍କ ନାଁରେ ଥିବା କିଛି ସମ୍ପତ୍ତିକୁ ମଧ୍ୟ ଇଡି ସିଜ କରିଛି। ଏବେ ସଞ୍ଜୟ ରାଉତ ଗିରଫ ହେବା ପରେ ତାଙ୍କୁ ସମନ କରାଯାଇଛି।
ସୂଚନାଯୋଗ୍ୟ, ଏପ୍ରିଲରେ ଇଡିର ଯାଞ୍ଚ ଆଧାରରେ ସଞ୍ଜୟ ରାଉତଙ୍କ ପତ୍ନୀ ବର୍ଷା ରାଉତ ଏବଂ ତାଙ୍କର ସହଯୋଗୀଙ୍କ ୧୧.୧୫ କୋଟି ଟଙ୍କାରୁ ଅଧିକ ସଂପତ୍ତିକୁ ଅସ୍ଥାୟୀ ଭାବେ ଜବତ କରିଥିଲା। କୋରେଗାଓଁରେ ପାତ୍ରା ଚାଲ୍ ପୁନର୍ବିକାଶରେ କଥିତ ବିତ୍ତୀୟ ଅନିୟମିତତା ମାମଲାର ତଦନ୍ତ କରୁଥିବା ଇଡି ରାଉତଙ୍କୁ ରବିବାର ମଧ୍ୟରାତ୍ରିରେ ଗିରଫ କରିଥିଲା। ସୋମବାର ଅଦାଲତ ସଞ୍ଜୟ ରାଉତଙ୍କୁ ଚାରି ଦିନିଆ ଇଡି ରିମାଣ୍ଡରେ ପଠାଇଥିଲା।
Powered by Froala Editor
