ଲୋକସଭାରେ ଦରବୃଦ୍ଧି ପ୍ରସଙ୍ଗରେ ଆଲୋଚନା ବେଳେ ଆଜି ଲୋକସଭାରେ ତୃଣମୂଳ କଂଗ୍ରେସ ସାଂସଦ କାକୋଲି ଘୋଷ ହଠାତ ଛିଡା ହୋଇ ଏକ କଞ୍ଚା ବାଇଗଣ ବାହାର କରିଥିଲେ ଏବଂ ତାକୁ ଖାଇଥିଲେ । ଦରଦାମ ବୃଦ୍ଧି, ଗ୍ୟାସ ଦର ବୃଦ୍ଧି ଇତ୍ୟାଦିକୁ ପ୍ରତିବାଦ କରି ସେ ଏଭଳି କରିଛନ୍ତି । ସେ ଗୃହରେ ଭାଷଣ ଦେବା ସମୟରେ କଞ୍ଚା ବାଇଗଣ ଖାଇ ନରେନ୍ଦ୍ର ମୋଦି ସରକାରଙ୍କୁ ବିରୋଧ କରିଛନ୍ତି।

ସେ କହିଛନ୍ତି,ଦେଶରେ ଏଲପିଜି ସିଲିଣ୍ଡରର ମୂଲ୍ୟ ଏତେ ମହଙ୍ଗା ହୋଇଛି ଯେ ପନିପରିବା ରାନ୍ଧିବା ଏବଂ ଖାଇବା କଷ୍ଟକର ହୋଇପଡିଛି। ଆଜିର ସମୟରେ ଗରିବ ଏବଂ ଶ୍ରମିକ ଶ୍ରେଣୀର ଲୋକମାନେ ଏତେ ଦାମୀ ସିଲିଣ୍ଡର କିଣି ପାରିବେ ନାହିଁ। ତେଣୁ ପନିପରିବା କଞ୍ଚା ଖାଇବାକୁ ପଡିବ। ଅବଶ୍ୟ, ସେ ବାଇଗଣ ଖାଇ ନ ଥିଲେ, କେବଳ ଦେଖିରେ ଦାନ୍ତ ଲଗାଇଥିଲେ। ଦର ଦାମ ବୃଦ୍ଧିକୁ ନେଇ ବିତର୍କକୁ ଅନୁମତି ଦେଇଥିବାରୁ ସେ ବାଚସ୍ପତିଙ୍କୁ ଧନ୍ୟବାଦ ଜଣାଇଥିଲେ । ତେବେ ଏହା ଉପରେ ବିତର୍କ ହେବା ପାଇଁ ମଧ୍ୟ ବହୁତ ସମୟ ଲାଗିଛି ବୋଲି ସେ କହିଛନ୍ତି।

କାକୋଲି ଘୋଷ କହିଛନ୍ତି, ସରକାର ଚାହୁଁଛନ୍ତି କି ଲୋକେ କଞ୍ଚା ପନିପରିବା ଖାଆନ୍ତୁ? ନହଲେ ସରକାର କାହିଁକି ଏତେ ଦରଦାମ ବୃଦ୍ଧି କରନ୍ତେ । ଏଲପିଜି ଏତେ ମହଙ୍ଗା ଯେ କିଣିବା କଷ୍ଟକର ହୋଇପଡୁଛି । ଗତ କିଛି ମାସରେ ଏଲପିଜି ୬୦୦ ରୁ ସିଧା ୧୧୦୦ ଟଙ୍କା ବୃଦ୍ଧି ପାଇଛି । ଜଣେ ସାଧାରଣ ଲୋକ କେମିତି ଏହା କିଣିପାରିବ ।

Powered by Froala Editor