ପଡ଼ୋଶୀ ଦେଶ ନେପାଳରେ ଏବେ କରୋନା ସଂକ୍ରମଣ ବଢ଼ିବାରେ ଲାଗିଛି। ଏହା ସତ୍ତ୍ୱେ ନେପାଳ ସରକାର ପର୍ବତାରୋହଣ ଅଧିବେଶନକୁ ବାତିଲ କରିନାହାଁନ୍ତି। ଏଥିପାଇଁ ଚୀନ୍‌ ଏଭରେଷ୍ଟରେ ବିଭାଜନ ରେଖା ଟାଣିବାକୁ ଯାଉଛି। ତଥାପି ଏଭରେଷ୍ଟର ଶୀର୍ଷରେ ଏହି ବିଭାଜନ ରେଖା କିପରି ସେଟ୍ ହେବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। 

ଏଭାରେଷ୍ଟ ବିଭାଜନ ନେଇ ନେପାଳ ପକ୍ଷରୁ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ଆସି ନାହିଁ। ତୀବ୍ବତୀୟ ପର୍ବତାରୋହୀ ସମୂହଙ୍କ ଦ୍ୱାରା ଏହି କାର୍ଯ୍ୟ ସମ୍ପାଦନ ହେବ। ଏଥିରେ ହିମାଳୟର ଶୃଙ୍ଗରେ ପହଞ୍ଚିବା ପୂର୍ବରୁ ସୀମାରେଖା ନିର୍ଦ୍ଧାରିତ ହେବ। ଯେପରି ଉତ୍ତରପାର୍ଶ୍ୱରୁ ପର୍ବତାରୋହଣକାରୀ ଦକ୍ଷିଣ ପାର୍ଶ୍ୱକୁ ନ ଯାଆନ୍ତି କି ସେପଟରୁ ଆସିଥିବା ପର୍ବତାରୋହୀଙ୍କ ସଂସ୍ପର୍ଶରେ ନ ଆସନ୍ତି ସେଥିଲାଗି ପଦକ୍ଷେପ ନିଆଯିବ।

ନେପାଳର ଏକ ନ୍ୟୁଜ୍ ଏଜେନ୍ସି କହିଛି ଯେ, ତିବ୍ଦତୀୟ ପର୍ବତାରୋହୀ ଗାଇଡର ଏକ ଛୋଟ ଦଳ ଏଭରେଷ୍ଟ ଯାଇ ସେଠାରେ ଏକ ବିଭାଜନ ରେଖା ଟାଣିବ। ଏହା କରାଯିବା ଦ୍ୱାରା ଶିଖରର ଉଭୟ ପାର୍ଶ୍ୱରେ ଥିବା ପର୍ବତାରୋହୀଙ୍କ ମଧ୍ୟରେ କୌଣସି ପ୍ରକାରର ସମ୍ପର୍କ ରହିବ ନାହିଁ। ତେବେ ଚୀନର ୨୧ ଜଣିଆ ଏକ ଦଳ ଏଭରେଷ୍ଟର ଶିଖର ଯିବା ପାଇଁ ତିବ୍ଦତକୁ ଯାଇଛନ୍ତି। ତେବେ ଏହି ବିଭାଜନ ଚୀନ ଏଥିପାଇଁ  କରିବାକୁ ଚାହୁଁଛି କାରଣ, ଏଭରେଷ୍ଟରେ ଯାତ୍ରା କଲାବେଳେ ଏମିତି କିଛି ସ୍ଥାନ ରହିଛି ଯେଉଁଠି ପର୍ବତାରୋହୀ ଏକାଠି ହୋଇଥାନ୍ତି। ସେଥିପାଇଁ ଏଭରେଷ୍ଟ ଉପରେ କେହି ଏକାଠି ନହେବା ପାଇଁ ଏହି ବିଭାଜନ କରାଯିବ।

Powered by Froala Editor