ଭୁବନେଶ୍ୱରରେ ବଢ଼ିଲା ଟିକାକରଣ କେନ୍ଦ୍ର
ଭୁବନେଶ୍ୱରରେ ବଢ଼ିଲା ଟିକାକରଣ କେନ୍ଦ୍ର ସଂଖ୍ୟା । ଆଜି ଠାରୁ ୨୪ଟି ଜାଗାରେ ଏହି ବୁଷ୍ଟର ଡୋଜ୍ ଉପଲବ୍ଧ ହେବ। ୧୯ରୁ ବୃଦ୍ଧି ପାଇ ମୋଟ ଟିକାକରଣ କେନ୍ଦ୍ର ସଂଖ୍ୟା ହେଲା ୨୭ । ୧୨ରୁ୧୪ ବର୍ଷ ବୟସ ବର୍ଗଙ୍କ କୋର୍ବେଭାକ୍ସ ଟିକା ପାଇଁ ୫ଟି କେନ୍ଦ୍ର । ୧୮ରୁ ୫୯ ବର୍ଷ ବୟସ ବର୍ଗଙ୍କ କୋଭିସିଲ୍ଡ ଟିକାର ବୁଷ୍ଟର ବା ପ୍ରିକସନ ଡୋଜ ପାଇଁ ୟୁନିଟ-୯ ପୌର ସ୍ୱାସ୍ଥ୍ୟକେନ୍ଦ୍ରରେ ଦିଆଯିବ ।
ସେହିପରି କ୍ୟାପିଟାଲ ହସ୍ପିଟାଲ, ବିଏମସି ହସ୍ପିଟାଲ, ଏମ୍ସ ହସ୍ପିଟାଲ ଓ ରେଲୱେ ହସ୍ପିଟାଲ ସମେତ ଅବଶିଷ୍ଟ ୨୧ଟି କେନ୍ଦ୍ରରେ କୋଭାକ୍ସିନ ଟିକାର ପ୍ରଥମ, ଦ୍ୱିତୀୟ ଓ ତୃତୀୟ ବା ପ୍ରିକସନ ଡୋଜ ଉପଲବ୍ଧ ହେବ । ଏଥିପାଇଁ ସକାଳ ୯ଟାଠାରୁ ଅପରାହ୍ନ ଗୋଟାଏ ଓ ପୁଣି ଅପରାହ୍ନ ୩ଟାଠାରୁ ସାଢେ ୫ଟା ସମୟ ନିର୍ଘଣ୍ଟ ଧାର୍ୟ୍ୟ କରାଯାଇଛି ।
୨୩ ଟି କେନ୍ଦ୍ରରେ କୋଭାକ୍ସିନ୍ ବ୍ୟବସ୍ଥା ଥିବା ବେଳେ ଗୋଟିଏ କେନ୍ଦ୍ର(ୟୁନିଟ୍-୯ ୟୁପିଏଚ୍ସି)ରେ କୋଭାସିଲ୍ଡ ବ୍ୟବସ୍ଥା ରହିଛି। ଏହା ଛଡ଼ା ଆଉ ୫ଟି କେନ୍ଦ୍ରରେ ୧୨ରୁ ୧୪ ବର୍ଷ ବୟସ୍କଙ୍କ ପାଇଁ ଟିକାଦାନ ବ୍ୟବସ୍ଥା ରହିଛି। ଏହା ସହିତ ରୁଦ୍ରପୁର ସିମ୍ଫୋନି ମଲ୍, ପାତ୍ରପଡ଼ା ଡିଏନ୍-ରେଗାଲିଆ ଓ ରସୁଲଗଡ଼ ଏସ୍ପ୍ଲାନେଡ୍ ମଲ୍ରେ ଏଭଳି ବ୍ୟବସ୍ଥା କରାଯାଇଥିବା ବିଏମ୍ସି ସୂଚନା ଦେଇଛି। କୋ-ୱିନ୍ ପୋର୍ଟାଲ୍ରେ ସ୍ଲଟ୍ ବୁକିଂ କରି ଲୋକମାନେ ଏହି ସୁବିଧା ନେଇ ପାରିବେ।
Powered by Froala Editor
