ଯଦି ଆପଣ ଅନେକ ଘରର ଫ୍ରିଜରେ ଦେଖନ୍ତି, ତେବେ କୋଲ୍ଡ ଡ୍ରିଙ୍କସ ନିଶ୍ଚିତ ଭାବେ ଥିବାର ଦେଖିବେ । ଲୋକମାନେ ଘର, ଅଫିସ୍ ଠାରୁ ପାର୍ଟି ପର୍ୟ୍ୟନ୍ତ ସବୁଠି ଥଣ୍ଡା ପାନୀୟ ପିଇବାକୁ ପସନ୍ଦ କରନ୍ତି  । ଏବେ ଖରାଦିନ ତ ଏହା ବହୁତ ମାତ୍ରାରେ ବିକ୍ରି ହେବା ସହ ସବୁବେଳେ ଲୋକେ ପିଇବାକୁ ପସନ୍ଦ କରିଥାନ୍ତି ।

ଯଦିଓ ଏହି ଥଣ୍ଡା ପାନୀୟ ଶରୀର ଉପରେ ବହୁତ ଖରାପ ପ୍ରଭାବ ପକାଇଥାଏ କିନ୍ତୁ ଲୋକେ ଏହାକୁ ଅଣଦେଖା କରିଥାନ୍ତି । ଏହା ଆପଣଙ୍କ ମେଟାବୋଲିଜିମ୍ କୁ ବିଚଳିତ କରେ ଏବଂ ଇନସୁଲିନ୍ ସମସ୍ୟାକୁ ମଧ୍ୟ ବଢ଼ାଇଥାଏ । ଏହା ବ୍ୟତୀତ ଏହା ମଧୁମେହର କାରଣ ମଧ୍ୟ ସାଜିପାରେ ।

କୋଲ୍ଡ ଡ୍ରିଙ୍କସରେ ସୁକ୍ରୋଜ୍ ନାମକ ଉପାଦାନ ଥାଏ, ଯେଉଁଥିରୁ ଫ୍ରୁଟକୋଜ୍ ସୃଷ୍ଟି ହୁଏ ଜ୍ଝ ଫ୍ରୁକଟୋଜରୁ ଆମେ କ୍ୟାଲୋରୀ ପାଇଥାଉ କିନ୍ତୁ ଥଣ୍ଡା ପାନୀୟରେ ବହୁତ ଚିନି ରହିଥାଏ, ଯାହା ଓଜନ ବଢ଼ାଇଥାଏ । ଏକ ଅଧ୍ୟୟନରୁ ଜଣାପଡିଛି ଯେ ଶର୍କରା ପାନୀୟର ସବୁଦିନ ବ୍ୟବହାର ଫଳରେ ମେଦବହୁଳତାର ଆଶଙ୍କା ୬୦ ପ୍ରତିଶତ ବୃଦ୍ଧି ପାଇଥାଏ।

କୋଲ୍ଡ ଡ୍ରିଙ୍କସରେ ଗ୍ଲୁକୋଜ ଏବଂ ଫ୍ରୁକଟୋଜ ବହୁତ ମାତ୍ରାରେ ଥାଏ  । ଏହି ପାନୀୟରେ ଚିନି ଅଧିକ ଥିବାରୁ ଏହାକୁ ହଜମ କରିବା ପାଇଁ ଯକୃତକୁ ବହୁତ ସଂଘର୍ଷ କରିବାକୁ ପଡ଼େ ।

ଜାଣନ୍ତୁ କ’ଣ କ୍ଷତି କରେ କୋଲ୍ଡ ଡ୍ରିଙ୍କସ

ପେଟର ଚର୍ବି ବୃଦ୍ଧି କରେ

ଥଣ୍ଡା ପାନୀୟର ବହୁଳ ବ୍ୟବହାର ହେତୁ ପେଟରେ ଚର୍ବି ଜମା ହୋଇଯାଏ ଏବଂ ପେଟର ଚର୍ବି ବଢ଼ିବାକୁ ଲାଗେ । ଯାହା ମଧୁମେହ ଏବଂ ହୃଦରୋଗର କାରଣ ହୋଇପାରେ ।

ଇନସୁଲିନର ଅସନ୍ତୁଳନ

ଶରୀରରେ ଚିନିର ପରିମାଣର ଦ୍ରୁତ ଗତିରେ ବୃଦ୍ଧି ହେତୁ ଇନସୁଲିନର ସନ୍ତୁଳନ ବିଗିଡିବାକୁ ଲାଗେ, ପରବର୍ତ୍ତି ସମୟରେ ଏହା ଶରୀରପାଇଁ ସାଂଘାତିକ ମଧ୍ୟ ହୋଇପାରେ ।

ମଧୁମେହ ହେବାର ଆଶଙ୍କା

କୋଲ୍ଡ ଡ୍ରିଙ୍କସ ଏବଂ ମୃଦୁ ପାନୀୟରେ ପ୍ରଚୁର ପରିମାଣରେ ଚିନି ଥାଏ, ଯାହା ଟାଇପ୍ -୨ ଡାଇବେଟିସ୍ ହେବାର ଆଶଙ୍କାକୁ ବଢ଼ାଇ ଦେଇଥାଏ ।

କେଉଁମାନେ ଏହାକୁ ପିଇବା ଉଚିତ୍ ନୁହେଁଟ୍ଟ

ଉଚ୍ଚ ରକ୍ତଚାପ ରୋଗୀ

ଯେଉଁମାନଙ୍କର ଉଚ୍ଚ ରକ୍ତଚାପ ରହିଛି, ସେମାନେ ଥଣ୍ଡା ପାନୀୟରୁ ଦୂରେଇ ରହିବା ଉଚିତ୍ ଜ୍ଝ ଏହାର କାରଣ ହେଉଛି ଅଙ୍ଗାରକାମ୍ଳଯୁକ୍ତ ପାନୀୟ । ଏଥିରେ ଅଧିକ ମାତ୍ରାରେ ସୋଡିୟମ୍ ଥାଏ ଯାହା ରକ୍ତଚାପ ବୃଦ୍ଧି ପାଇଁ ସାହାଯ୍ୟ କରିଥାଏ । ତେଣୁ ଉଚ୍ଚ ରକ୍ତଚାପ ରୋଗୀମାନେ ଥଣ୍ଡା ପାନୀୟର ବ୍ୟବହାରରୁ ଦୂରେଇ ରହିବା ଉଚିତ୍ ଜ୍ଝ

ହୃଦୟ ରୋଗୀ

ଯଦି ଆପଣ ହୃଦଘାତରେ ଆକ୍ରାନ୍ତ ହୋଇଥିବେ କିମ୍ବା ହାର୍ଟ ଜନିତ କୌଣସି ସମସ୍ୟା ପାଇଁ ଔଷଧ ଖାଉଛନ୍ତି, ତେବେ ଆପଣ ଥଣ୍ଡା ପାନୀୟରୁ ଦୂରେଇ ରହିବା ଉଚିତ୍ । ଏହା କୋଲେଷ୍ଟ୍ରଲ ଏବଂ ରକ୍ତ ସଞ୍ଚାଳନକୁ ପ୍ରଭାବିତ କରିବା ପାଇଁ ସାହାଯ୍ୟ କରିଥାଏ । ଏହା ସହିତ, ଏହା ରକ୍ତଚାପ ବୃଦ୍ଧି ପାଇଁ ମଧ୍ୟ କାମ କରେ, ତେଣୁ ହୃଦୟ ରୋଗୀମାନେ ଏହାର ବ୍ୟବହାରରୁ ଦୂରେଇ ରହିବା ଉଚିତ ।

ଶିଶୁ

ଆଜିକାଲି ପିଲାମାନଙ୍କଠାରେ ମେଦବହୁଳତା ଏବଂ ମଧୁମେହ ଅତି ସାଧାରଣ ସମସ୍ୟାଭାବେ ଉଭା ହୋଇଛି । ଏହା ପଛରେ ଏକ ବଡ଼ କାରଣ ହେଉଛି ମୃଦୁ ପାନୀୟ ଏବଂ ତେଲିଆ ଖାଦ୍ୟ । ଥଣ୍ଡା ପାନୀୟ ପିଇବା ଦ୍ବାରା ଶିଶୁମାନେ ସହଜରେ ମୋଟାପଣର ଶିକାର ହୋଇଥାନ୍ତି ।

Powered by Froala Editor