ୱାଶିଂଟନ: ଟେକ୍ସାସର ଏକ ପ୍ରାଥମିକ ବିଦ୍ୟାଳୟରେ ଆଖିବୁଜା ଗୁଳିକାଣ୍ଡ । ଜଣେ ଯୁବକ ସ୍କୁଲର ଅତିକମରେ ୧୮ ଜଣ ଛାତ୍ରଛାତ୍ରୀ ଓ ୩ ଜଣ ଶିକ୍ଷକଙ୍କୁ ଗୁଳିକରି ନିର୍ମମ ଭାବେ ହତ୍ୟା କରିଥିବା ସୂଚନା ମିଳିଛି । ଏହି ଗୁଳିକାଣ୍ଡରେ ଅଭିଯୁକ୍ତର ମଧ୍ୟ ମୃତ୍ୟୁ ଘଟିଛି । ଏହି ଘଟଣା ନେଇ ପୋଲିସ ସୂଚନା ଦେଇଛି ।ପ୍ରାୟ ଏକ ଦଶନ୍ଧି ପୂର୍ବରୁ କନେକ୍ଟିକର ନ୍ୟୁଟାଉନ ସ୍ଥିତ ସ୍ୟାଣ୍ଡି ହୁକ ଏଲିମେଣ୍ଟାରୀରେ ଜଣେ ବନ୍ଧୁକଧାରୀ ବ୍ୟକ୍ତି ୨୦ ଜଣ ଶିଶୁ ଏବଂ ୬ ଜଣ ବୟସ୍କଙ୍କୁ ହତ୍ୟା କରିବା ପରେ ଏହା ସବୁଠାରୁ ସବୁଠାରୁ ଭୟଙ୍କର ଗୁଳିକାଣ୍ଡ । ନ୍ୟୁୟର୍କର ବଫାଲୋରେ ଥିବା ଏକ ବଜାରରେ ଜଣେ ବନ୍ଧୁକଧାରୀ ୧୦ ଜଣ ଦୋକାନୀ ଏବଂ ଶ୍ରମିକଙ୍କୁ ହତ୍ୟା କରିଥିଲା । ଏହାର ୧୦ ଦିନ ପରେ ପୁଣି ଏଭଳି କାଣ୍ଡ ଆତଙ୍କ ସୃଷ୍ଟି କରିଛି ।

ଆକ୍ରମଣରେ ମୃତ୍ୟୁ ସଂଖ୍ୟା ବୃଦ୍ଧି ହେବାନେଇ ଜାତିସଂଘ ଆଇନ ଶୃଙ୍ଖଳା ଅଧିକାରୀ ସୂଚନା ଦେଇଛନ୍ତି। ବନ୍ଧୁକଧାରୀମାନେ ହଠାତ ସ୍କୁଲ ଭିତରେ ପଶି ଗୁଳି ଚାଳନା କରିଥିଲେ । କିନ୍ତୁ ଆକ୍ରମଣର କାରଣ ଏଯାଏ ସ୍ପଷ୍ଟ ହୋଇନଥିବା ଜଣାପଡ଼ିଛି । ଘଟଣାର ତଦନ୍ତ ଜାରି ରହିଥିବା ପୋଲିସ ପକ୍ଷରୁ ସୂଚନା ମିଳିଛି । ଗୁଳିକାଣ୍ଡରେ ଆହତ ହୋଇଥିବା ଅନେକଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।ଏହି ଘଟଣାକୁ ନେଇ ଟ୍ବିଟ ଯୋଗେ ଶୋକ ପ୍ରକାଶ କରିଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ।

Powered by Froala Editor