ଖୁସି ଖବର! କମିଲା ପେଟ୍ରୋଲ ଓ ଡିଜେଲ ଦର
ନୂଆଦିଲ୍ଲୀ: ଦେଶବ୍ୟାପୀ ମହଙ୍ଗାମାଡ଼ ଏବେ ଖାଉଟିଙ୍କୁ କନ୍ଦାଇଲାଣି । ପନିପରିବା, ଗ୍ୟାସ, ଖାଇବାତେଲ, ପେଟ୍ରୋଲ-ଡ଼ିଜେଲ ସହ ଏବେ ସମସ୍ତ ନିତ୍ୟ ବ୍ୟବହାର୍ଯ୍ୟ ଜିନିଷର ଦର ହୋଇଛି ଆକାଶ ଛୁଆଁ । ଏହି ଜଟିଳ ପରିସ୍ଥିତିରୁ ଟିକିଏ ଆଶ୍ୱସ୍ତି ଦେଇଛି ପେଟ୍ରୋଲ ଓ ଡିଜେଲ ଦର ।
ଦେଶବାସୀଙ୍କ ପାଇଁ ଆଣି ଦେଇଛି ଖୁସିର ଖବର । କମିଲା ପେଟ୍ରୋଲ ଓ ଡିଜେଲ ଦର । ପେଟ୍ରୋଲ ଓ ଡିଜେଲ ଦର ଉପରୁ ଏକ୍ ସାଇଡ୍ ଡୁ୍ୟଟି କମାଇଛନ୍ତି କେନ୍ଦ୍ର ସରକାର । ପେଟ୍ରୋଲ ଦର ୯ ଟଙ୍କା ୫୦ ପଇସା ଓ ଡିଜେଲ ଦର ୭ ଟଙ୍କା କମିଛି । ତୈଳ ଦର କମିଥିବା ନେଇ ଆଜି ଘୋଷଣା କରିଛନ୍ତି କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ । ଟ୍ୱିଟ୍ ଯୋଗେ ଦେଶ ବାସୀଙ୍କ ସହ ଏହି ଖୁସି ଖବର ସେୟାର କରିଛନ୍ତି କେନ୍ଦ୍ର ମନ୍ତ୍ରୀ ।
ଏହି ତେଲ ଦର କମିବା ପରେ ଦେଶବାସୀ ଟିକେ ଆଶ୍ୱସ୍ତ ହୋଇଛନ୍ତି । ଆଜି ସକାଳ ୬ଟାରୁ ଲାଗୁ ହୋଇଛି ଏହି ନୂଆ ଦର ।
Powered by Froala Editor
