ନୂଆଦିଲ୍ଲୀ : ସାରା ଦେଶରେ ପୁଣି କାୟା ବିସ୍ତାର କରିବାର ଲାଗିଲାଣି କରୋନା ମହାମାରୀ । ଦୈନିକ ନୂଆ ନୂଆ ସଂକ୍ରମିତ ଚିହ୍ନଟ ହୋଉଛନ୍ତି । ଏମିତିକି ମୃତ୍ୟୁ ସଂଖ୍ୟା ବି ବଢିଲାଣି । ତେବେ ଏହାକୁ ଦୃଷ୍ଟିରେ ରଖି ନୂଆ ନିଷ୍ପତ୍ତି ନେବାକୁ ଯାଉଛନ୍ତି କେନ୍ଦ୍ର ସରକାର । ଏଣିକି ଟିକାର ଦ୍ୱିତୀୟ ଡୋଜ ନେବାର ଠିକ୍ ୬ ମାସ ପରେ ନେଇପାରିବେ ବୁଷ୍ଟର ଡୋଜ ।

ସମୟ ସୀମା କମାଇବାକୁ ବିଚାର ବିମର୍ଷ କରୁଛନ୍ତି କେନ୍ଦ୍ର ସରକାର । ପୂର୍ବରୁ ବୁଷ୍ଟର ଡୋଜ ନେବାର ସମୟୀ ସୀମା ଥିଲା ୯ ମାସ । ଏବେ ଏହାକୁ କମାଇଦେଇଛନ୍ତି ସରକାର । ଏନେଇ ଆସନ୍ତାକାଲି ଅର୍ଥାତ୍ ଏପ୍ରିଲ ୨୯ରେ ନାସନାଲ ଇମ୍ୟୁନାଇଜେସନ୍‌ ଟେକ୍ନିକାଲ ଆଡଭାଇଜରୀ କମିଟିର ଗୁରୁତ୍ୱପୂର୍ଣ୍ଣ ବୈଠକ ବସିବାର ସମ୍ଭାବନା ଅଛି । ଏଥିରେ ବୁଷ୍ଟର ଡୋଜ୍‌ ନେବାର ସମୟ ସୀମାକୁ କମାଇବାକୁ ସୁପାରିଶ କରିବା କମିଟି ।

ଏହା ପୂର୍ବରୁ ICMR ଏବଂ ଅନ୍ୟ ଇଣ୍ଟରନ୍ୟାସନାଲ ରିସର୍ଚ୍ଚ ଇନଷ୍ଟିଚ୍ୟୁଟ୍‌ ଆଣ୍ଟିବଡିକୁ ନେଇ ଅନେକ ତଥ୍ୟ ପ୍ରଦାନ କରିଥିଲେ । ଉଭୟ ଡୋଜ୍‌ ନେବାର ୬ ମାସ ପରେ ଶରୀରରେ ଆଣ୍ଟିବଡି ସ୍ତର କମିଯାଇଥାଏ । ସେଥିପାଇଁ ବୁଷ୍ଟର ଡୋଜ୍‌ ଦେଇ ଇମିନ୍ୟୁ ସିଷ୍ଟମକୁ ବୃଦ୍ଧି କରାଯାଏ । କିଛିଦିନ ପୂର୍ବରୁ ୧୮ ବର୍ଷରୁ ଉର୍ଦ୍ଧ୍ୱମାନଙ୍କୁ ବୁଷ୍ଟର ଡୋଜ୍‌ ଦେବା ନେଇ ଘୋଷଣା କରାଯାଇଥିଲା ।

ତେବେ ସ୍ବାସ୍ଥ୍ୟ ବିଶେଷଜ୍ଞ ଏବଂ ବିଭିନ୍ନ ପରୀକ୍ଷଣ ପରେ ବୁଷ୍ଟର ଡୋଜ୍‌ ନେବା ଅବଧି ହ୍ରାସ କରିବା ପାଇଁ ବିଚାର କରାଯାଉଛି । ଖୁବଶୀଘ୍ର ଏ ନେଇ ନିଷ୍ପତ୍ତି ନେଇପାରନ୍ତି କେନ୍ଦ୍ର ସରକାର । ବୁଷ୍ଟର ଡୋଜ୍‌ ନେବାର ଅନ୍ତର ୯ ମାସରୁ କମାଇ ୬ ମାସ କରାଯିବା ନେଇ ବିମର୍ଷ ଚାଲିଛି । 

Powered by Froala Editor