ବର୍ତ୍ତମାନ ବକ୍ସ ଅଫିସ୍‌ରେ ଭଲ କଲେକ୍ସନ କରୁଛି ଫିଲ୍ମ 'କେଜିଏଫ-୨' । ଫିଲ୍ମ ରିଲିଜର ୫ମ ଦିନରେ ୨୦୦ କୋଟିରୁ ଅଧିକ ଆୟ କରି ବାହୁବଳୀ -୨ର ରେକର୍ଡ ଭାଙ୍ଗିଛି। ବାହୁବଳୀ ୨ ରିଲିଜ ହେବାର ୭ ଦିନ ମଧ୍ୟରେ ୨୦୦ କୋଟି ଆୟ କରି ରେକର୍ଡ କରିଥିଲା। ଏବେ ଏହି ରେକର୍ଡ ଭାଙ୍ଗିଛି କେଜିଏଫ୍‌ -୨ ।

ଏପରିକି ଏହାର ହିନ୍ଦୀ ଭର୍ସନ ରିଲିଜ ହେବା ପରେ ଦଙ୍ଗଲର ରେକର୍ଡ କାଟି ଦେଇଛି । ସୂଚନାନୁଯାୟୀ, କେଜିଏଫ-୨ର ହିନ୍ଦୀ ଭର୍ସନ ରିଲିଜ ହେବା ଦିନ ୫୩.୯୫ କୋଟି ଆୟ କରିଥିଲା। ଦିତୀୟ ଦିନରେ ୪୬.୭୯ କୋଟି, ତୃତୀୟ ଦିନରେ ୪୨.୯ କୋଟି, ଚତୁର୍ଥ ଦିନରେ ୫୧ କୋଟି ଏବଂ ପଞ୍ଚମ ଦିନରେ ୨୪ କୋଟି ବ୍ୟବସାୟ କରି ମୋଟ ୨୧୯ କୋଟିର ଆୟ କରିଛି।

ତେବେ ଯେଉଁଭଳି ବକ୍ସ ଅଫିସ୍‌ରେ ଫିଲ୍ମ ଭଲ ବ୍ୟବସାୟ ଜାରି ରଖିଛି ୭ ଦିନ ମଧ୍ୟରେ ଏହା ଆଉ ଏକ ରେକର୍ଡ ଭାଙ୍ଗିପାରେ ବୋଲି ଆଶା ରହିଛି। ୟଶଙ୍କ ଅଭିନୀତ ଏହି ଫିଲ୍ମର ପ୍ରଥମ ପାର୍ଟ ୨୦୧୮ରେ ରିଲିଜ୍ ହୋଇଥିଲା। ପ୍ରଥମ ପାର୍ଟ ସମସ୍ତଙ୍କ ହୃଦୟ ଜିଣିଥିଲା। ଚଳଚ୍ଚିତ୍ରଟି ଏବେ କନ୍ନଡ, ତେଲୁଗୁ, ହିନ୍ଦୀ, ତାମିଲ ଏବଂ ମାଲାୟାଲମରେ ରିଲିଜ୍ ହୋଇଛି। ପ୍ରଶାନ୍ତ ନିଲଙ୍କ ନିର୍ଦ୍ଦେଶିତ ଏହି ଫିଲ୍ମରେ ୟଶଙ୍କ ସହିତ ରବିନା ଟଣ୍ଡନ, ସଞ୍ଜୟ ଦତ୍ତ, ପ୍ରକାଶ ରାଜ ଏବଂ ଶ୍ରୀନିଧି ସେଟ୍ଟୀ ଗୁରୁତ୍ଵପୂର୍ଣ୍ଣ ଭୂମିକାରେ ଅଛନ୍ତି।

Powered by Froala Editor