ଟ୍ୱିଟର୍ ବୋର୍ଡରେ ଏଲନ ମସ୍କ, କିଣିଲେ ୯.୨ % ସେୟାର
ଏଲନ ମସ୍କଙ୍କୁ ଟ୍ୱିଟର୍ର ବୋର୍ଡରେ ନିଯୁକ୍ତି ମିଳିଛି। ଏଲନ ମାଇକ୍ରୋ ବ୍ଲଗିଙ୍ଗ ସାଇଟ ଟ୍ୱିଟର୍ରେ ୯.୨ ପ୍ରତିଶତ ସେୟାର କିଣିଛନ୍ତି । ଏ ସମ୍ପର୍କରେ ଟ୍ୱିଟର୍ର ସିଇଓ ପରାଗ ଅଗ୍ରୱାଲ ସୂଚନା ଦେଇଛନ୍ତି।
ଶ୍ରୀ ଅଗ୍ରୱାଲ ଟ୍ୱିଟ କରି କହିଛନ୍ତି, “ମୁଁ ଆପଣମାନଙ୍କୁ ଆନନ୍ଦର ସହ କହିବାକୁ ଚାହୁଁଛି ଯେ ଆମେ ଏଲନ ମସ୍କଙ୍କୁ ଆମ ବୋର୍ଡରେ ନିଯୁକ୍ତି ଦେଇଛୁ। ନିକଟ ସପ୍ତାହରେ ଆମେ ଏଲନ ମସ୍କଙ୍କ ସହ ନିୟମିତ କଥାବାର୍ତ୍ତା କରିଥିଲୁ। ଏହି ଆଲୋଚନାରୁ ସ୍ପଷ୍ଟ ଯେ ଏଲନଙ୍କ ଯୋଗଦାନ ବୋର୍ଡର ମୂଲ୍ୟକୁ ବୃଦ୍ଧି କରିବ। ମସ୍କ ହେଉଛନ୍ତି ଜଣେ ବିଶ୍ୱାସୀ ଓ ଆମ ସେବାର କ୍ରିଟିକ। ଏହି ହିଁ ଆମ କମ୍ପାନୀ ଓ ବୋର୍ଡର ସଦସ୍ୟମାନେ ଚାହାନ୍ତି। ଆମକୁ ଅଧିକ ସଶକ୍ତ କରିବାକୁ ଆସୁଥିବା ଏଲନ ମସ୍କଙ୍କୁ ସ୍ୱାଗତ।”
ପରାଗ ଅଗ୍ରୱାଲଙ୍କ ସ୍ୱାଗତ ପରେ ଏଲନ ମସ୍କ ମଧ୍ୟ ରି ଟ୍ୱିଟ କରିଛନ୍ତି। ସେ କହିଛନ୍ତି, ପରାଗ ଅଗ୍ରୱାଲ ଓ ଟ୍ୱିଟର ବୋର୍ଡ ସହ କାମ କରିବାକୁ ଯାଉଥିବା ବେଶ ଉତ୍ସାହିତ। ଆସନ୍ତା ମାସଗୁଡ଼ିକରେ ଟ୍ୱିଟରକୁ ଅଧିକ ବିକଶିତ କରାଯିବ ବୋଲି ସେ କହିଛନ୍ତି।
ନିକଟରେ ଏଲନ ମସ୍କ ଟ୍ୱିଟର୍ରେ ଏଡିଟ ବଟନ କଥା କହିଥିଲେ। ସୋସିଆଲ ମିଡିଆ ପୋଷ୍ଟ କିମ୍ବା ମନ୍ତବ୍ୟ ଉପରେ ପ୍ରତିକ୍ରିୟା, ଟ୍ରୋଲ, ଗସିପ୍ ଆଦି ନିମନ୍ତେ ମାଇକ୍ରୋ ବ୍ଲଗିଂ ପ୍ଲାଟ୍ଫର୍ମ ଟୁଇଟରର ବ୍ୟବହାର କିଛି ବର୍ଷ ହେଲା ବ୍ୟାପକ ହୋଇଛି। ବିଶେଷ କରି କୌଣସି ଟୁଇଟ୍ରେ ବନାନ୍ ଭୁଲ୍ କିମ୍ବା ସାମାନ୍ୟ ତ୍ରୁଟି ପାଇଁ ଅନେକ ସମୟରେ ରାଜନେତା, ସେଲିବ୍ରିଟିଙ୍କୁ ସମାଲୋଚନାର ଶିକାର ହେବାକୁ ପଡ଼ୁଛି।
ତେଣୁ ଏହି ପ୍ଲାଟ୍ଫର୍ମରେ ଏଡିଟ୍ ବଟନ୍ ବିକଳ୍ପ ରଖାଯିବା ଉପରେ ଏବେ ଚର୍ଚ୍ଚା ଜୋର ଧରିଛି। ତେଣୁ କିଏ ଜାଣେ ଆମେ ସମସ୍ତେ ଆଗାମୀ ଦିନରେ ବହୁ ପ୍ରତିକ୍ଷୀତ ଏଡିଟ ବଟନ ଟ୍ୱିଟର୍ରେ ପାଇପାରିବା ବୋଲି ଅନେକ ଲୋକ ମତ ରଖିଛନ୍ତି।
Powered by Froala Editor
