ରିଲିଜ ହେବା ମାତ୍ରେ ଧମାଲ କଲା RRR
![ରିଲିଜ ହେବା ମାତ୍ରେ ଧମାଲ କଲା RRR](https://odishanewslens.com/news_gallery/11942_1648221301.jpg)
ବିବାଦ ପରେ ବି ରିଲିଜ ହୋଇଛି ବହୁ ପ୍ରତୀକ୍ଷିତ ଫିଲ୍ମ RRR । ଏସ୍ ଏସ୍ ରାଜାମୌଲିଙ୍କ ନିର୍ଦ୍ଦେଶିତ ଏହି ଫିଲ୍ମରେ ବଲିଉଡ ବିଉଟି ଆଲିୟା ଭଟ୍ଟଙ୍କ ସହ ସାଉଥଷ୍ଟାର ରାମଚରଣ, ଜୁନିୟର ଏନଟିଆର ଏବଂ ଅଜୟ ଦେଗବନଙ୍କ ଦମଦାର ଆକ୍ଟିଂ ଦେଖିବାକୁ ମିଳିଛି । ପ୍ରାୟ ୫୫୦ କୋଟି ଟଙ୍କାରେ ତିଆରି ହୋଇଥିବା ଏହି ଫିଲ୍ମ ଦେଖିବା ପରେ ପ୍ରଶଂସକ ଫିଲ୍ମକୁ ଭୁରି ଭୁରି ପ୍ରଶଂସା କରୁଛନ୍ତି। ଫିଲ୍ମ କ୍ରିଟିକ୍ସ ରାଜାମୌଲି ନିର୍ଦ୍ଦେଶନାକୁ ଆଉ ଗୋଟିଏ ସ୍ତରକୁ ନେଇ ଯାଇଥିବା କହିଛନ୍ତି। ସେମାନଙ୍କ କହିବା କଥା ରାଜାମୌଲିଙ୍କ ଯାଦୁ ପୁଣି ଥରେ ଛାଇ ଯାଇଛି। ସବୁ ଆଡେ ଫିଲ୍ମ ଏବଂ ଏହାର ଷ୍ଟାରକାଷ୍ଟକୁ ଖୁବ୍ ପ୍ରଶଂସା କରାଯାଉଛି। ଏମିତିରେ ଆଶା କରାଯାଉଛି ଆରଆରଆର ନିଜର ଓପନିଂ ଡେରେ ବମ୍ପର ଆୟ କରିପାରେ।
ରିପୋର୍ଟ ଅନୁଯାୟୀ, ଫିଲ୍ମ ଆରଆରଆର ପ୍ରଥମ ତିନି ଦିନରେ ୫୯ କୋଟିରୁ ଅଧିକ ଆଡଭାନ୍ସ ବୁକିଂ ହୋଇ ସାରିଛି। ଏଥିରେ କେବଳ ତେଲୁଗୁ ଭର୍ସନରେ ୪୯ କୋଟିର ଆଡଭାନ୍ସ ବୁକିଂ ରହିଥିବା ବେଳେ ହିନ୍ଦୀ ଭର୍ସନରେ ୭ ରୁ ୮ କୋଟି ଆଡଭାନ୍ସ ବୁକିଂ ହୋଇଥିବା ଦାବି କରାଯାଇଛି। ବିତରଣକାରୀ ଅକ୍ଷୟ ରାଠି କହିଛନ୍ତି ଯେ, ଆରଆରଆରର ହିନ୍ଦୀ ଭର୍ସନ ନିଜର ପ୍ରଥମ ଦିନରେ ଅତି କମରେ ୨୦ କୋଟି ଟଙ୍କାର ଆୟ କରିପାରେ। କେବଳ ଏତିକି ନୁହେଁ ଆମେରିକାରେ ପ୍ରିମିୟର ଶୋରେ ଏ ପର୍ଯ୍ୟନ୍ତ ଫିଲ୍ମଟି ୨୨ କୋଟି ଆୟ କରି ସାରିଛି।
ଫିଲ୍ମ ବ୍ୟବସାୟ ବିଶେଷଜ୍ଞଙ୍କ ଅନୁସାରେ ଏହି ଫିଲ୍ମ ରିଲିଜ୍ ହେବାର ପ୍ରଥମ ଦିନ ହିଁ ୧୦୦ କୋଟି ଟଙ୍କାରୁ ଅଧିକ ଆୟ କରିବ । ଏସ ଏସ ରାଜାମୌଲିଙ୍କ ବାହୁବଳି-୨ ଫିଲ୍ମ ପ୍ରଥମ ଦିନରେ ସମସ୍ତ ଭାଷାରେ ପ୍ରାୟ ୧୨୧ କୋଟି ଟଙ୍କା ଆୟ କରିଥିଲା । ତେବେ ଏବେ ଆରଆରଆର’ର ଆଡଭାନ୍ସ ବୁକିଂକୁ ଦେଖି ଜଣା ପଡ଼ୁଛି କି ଏହି ଫିଲ୍ମ ବାହୁବଳି-୨ର ରେକର୍ଡ ବି ଭାଙ୍ଗିପାରେ ।
Powered by Froala Editor